Jeremia 3:15 - Tshwa Bible

¹⁵ Nzi ta mu nyika varisi va tsakisako mbilu ya mina, lava va ta nga mu gisa hi wutivi ni kupima.

Jeremia 3:15 Referans Kwoze

Jeremia 23:4

Nzi ta yimisa varisi hehla ka tona, lava va ta nga ti risa. Cima ti nga ta ha chava, hambu ku rurumela, ku nga ta vumaleka ni yinwe ya tona, ku wula Jehova. Isa. 40:11; Ezek. 34:11

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Mavingu 10:21

A milomu ya a lulamileko yi gisa vanyingi; anilezi a zipumbu zifa hi ku vumala wutlhari.

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

1 Pedro 2:2

Lavani a masi ma nene ya moya, khwatsi hi zihlangana za ha belekiwako, kasi ma fela ku kula ha wona mu hanyiswa, Mat. 18:3; 1 Kor. 3:2

1 Samueli 13:14

Kanilezi makunu a mufumo wa wena cima wu nga ta simamisa, Jehova i ti lavele munwani munhu loyi yena a mu ranzako. I ta mu yimisa a kuva hosi hehla ka vanhu vakwe, hakuva wena a ku hlayisangi lezi Jehova a ku leleteleko zona. Tis. 89:20; Miti. 13:22

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Ezekieli 34:2

Nʼwana wa munhu, profetela a varisi va ka Israeli, uku: Hosi Jehova i ngalo: Yowe, a varisi va ka Israeli, lava va gisako wutsumbu gabye! kasi a varisi a va faneli ku gisa a tiyivu ke?