Jeremia 29:26 - Tshwa Bible

²⁶ Jehova i ku yimisile a kuva mupristi a wutshanwini ga Jehoyada a mupristi, kasi kuva kona varangeli ndlwini ya Jehova, lezaku u boha hi makhotso ni tisinga lava va hlanyako, va ti maha vaprofeti.

Jeremia 29:26 Referans Kwoze

2 Tihosi 9:11

Zonake Jehu i lo huma aya ka malanza ya hosi yakwe, vona vaku kakwe: Khwatsi lezo! A munhu loyi wo hunguka i wo tela yini ka wena? Yena a va hlamula, aku: Ma mu tiva khwatsi loyi munhu ni mahungu yakwe. Jer. 29:26; Hos. 9:7

Mitiro 26:24

Na a ha ti hlamulela kota lezo, Festu aku ngalo hi gezu ga hombe: Paule, u hungukile, a wutivi ga wena ga hombe ga ku hungukisa. Joh. 10:20; 1 Kor. 1:23; 2:13, 14

Johani 10:20

A vanyingi va vona vaku ngalo: I na ni dimoni, i hungukile; hikuyini mu mu ingiselako?

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Mitiro 16:24

Yena na a layisisilwe lezo, i lo va enghenisa paxweni ga lomo xikari, a va boha milenge yabye hi makhotso. Jer. 20:2

Marku 3:21

Laha maxaka yakwe na ma zi zwile, va lo famba a ku ya mu khoma, hakuva va waku: Wa pepuka.

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

2 Va le Korinte 11:33

kanilezi nzi lo chikiswa laha ligingisini hi njhanela na nzi khonelwe xirunzwini, nzi su ponisa zalezo mandleni yakwe.

Mitiro 26:11

Lomu masinagogeni wontihe nzi lo va tsayisa zikhati zinyingi, nzi ringa ku va kurumeta a kuva va rukatela; na nzi zangarile nguvu ha vona, nzi lo va xanisa ni le mitini ya vamatiko. Xip. 22:19

Mitiro 5:24

Laha a mufumeli wa tempeli ni vapristi va hombe na va ti zwile leti timhaka, va lo kanganyiseka ha tona, lezaku zi ta gumesisa kuyini. Lu. 22:4; Xip. 4:1

Mitiro 5:18

va khoma a vapostoli, va va khotsela paxweni. Lu. 21:12

Mitiro 4:1

Kota lezi va nga wa ha kanela ka vanhu, a vapristi ni nduna ya tempeli ni vaSadusi va lota kabye,

Johani 10:33

A vaJuda va lo mu hlamula, vaku: A hi ku gandli hi kota ya ntiro wo saseka, kanilezi hi kota ya tihlamba; lezi wena na u hi munhu, u ti maha Nungungulu. Xip. 5:18

Johani 8:53

Wena u wa hombe ku hunza a dadani wa hina, loyi a ngafa ke? Ni vaprofeti va file; u ti maha mani wena ke?

Mateu 21:23

Laha na a enghenile tempeleni, a vapristi va hombe ni masingalakati ya vanhu va lota ka yena laha a nga kari a gonzisa, va taku ngalo: I ntamu muni u mahako ha wona lezi zilo ke? Himani a nga ku nyika lowu ntamu ke? Ekso. 2:14; Mar. 11:27; Miti. 4:7

Jeremia 38:28

Na Jeremia i lo tshama lomu hubyeni ya vanyakasani kala a siku legi Jerusalema a nga khoziswa ha gona.

Jeremia 38:6

Zonake va lo khoma Jeremia va mu chikisa a rinzini ga Malkia a nʼwana wa hosi, legi gi nga hi lomu hubyeni ya vanyakasani; va relelisa Jeremia hi tingoti. Lomu rinzini ku wa nga hi na mati, saseka marope; na Jeremia i lo njhibila maropeni.

Jeremia 29:27

Makunu hikuyini u nga kawukangiko Jeremia wa le Anatote, loyi a profetako xikari ka nwina?

2 Kronekele 18:26

mu ya ku ngalo ka vona: A hosi yi ngalo: Enghenisani inaloyi paxweni, mu mu phamela zakuga za tsheku ni mati ya tsheku, kala nzi wuya hi kurula.

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Tihosi 11:18

A vanhu vontlhe va tiko va loya ndlwini ya Baali va ya yi khungumulela, va fayetela maalati yakwe, ni zifananiso zakwe, va daya Matani a mupristi wa Baali mahlweni ka maalati. Zonake a mupristi i lo yimisa a vahlayisi va yindlu ya Jehova.

2 Tihosi 11:15

Mupristi Jehoiada i lo leletela a tinduna ta yimpi, aku ka tona: Mu humeseni lomu tixaxeni; loyi a mu lanzako mu dayeni hi tlhari, hakuva mupristi i waku va nga dzuka va mu dayela lomu ndlwini ya Jehova.

Mitiro 26:25

Paule aku; A nzi hungukangi, Festu a dumileko nguvu; nzi kanela a timhaka ta zinene ni kupima.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.