Jeremia 29:23 - Tshwa Bible

²³ Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 29:23 Referans Kwoze

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Jeremia 29:21

Jehova wa tiyimpi, a Nungungulu wa Israeli i ngalo xungetano ha Ahabi a nʼwana Kolaya, na Zedekia a nʼwana Maaseya, lava va mu profetelako mawunwa vitweni ga mina: Langata, nzi ta va nyikela canjeni ga Nebukadnezzare, hosi ya Babuloni; yena i ta va daya mahlweni ka nwina.

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Mavingu 5:21

Hakuva a tindlela ta munhu ti le kuwoneni ka Jehova, i yena a tivako mafambela yakwe wontihe. Jer. 18:17; Maheb. 4:13

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Malaki 2:14

Makunu muku; Hikuyini? Nziku: Hakuva Jehova i kustumunyu xikari ka wena ni sati ga wuswa ga wena loyi u nga tsumbekangiko kakwe, kasilezo munghana wa wena, a sati wa xivumelwano xa wena. Gen. 31:49

Zefania 3:4

A vaprofeti va wona mbo ti kulisa, va nga tsumbekahgiko; a vapristi va wona va nyenyezisile a wutshamu ga kubasa, va byeketa nayo. Jer. 23:11, 32; Ezek. 22:26

Jeremia 23:21

A nzi rumangi vaprofeti lavo, kanilezi va ti tsutsumele ha voce; a nzi xuxangi navo, kanilezi va lo profeta ha voce.

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Genesisi 31:50

Loku wena u xanisa a vana va mina, ni loku wena u teka vanwani vasati lahandle ka vana va mina, hambu loku ku nga hi na munhu, languta Nungungulu i kustumunyu xikari ka mina na wena.

Genesisi 34:7

Laha a vafana va Jakobe va nga wuya hi le mikoveni na va zi zwile va lo zangara va xaniseka nguvu, hakuva Xekemi i wa mahile kubiha ka Israeli, hi ku etlela ni nhanyana wa Jakobe, lezi zi nga faneliko ku maheka.

Valamuli 11:10

A masingalakati ya le Gileade maku ka Jefta: Jehova a mahe kustumunyu xikari ka hina, loku hi nga mahi kota lezi u wulileko.

2 Samueli 13:12

Yena i te ngalo: A hi zona makweru, u nga nzi wisi tingana, hakuva lezo a zi na ku maheka lomu ka Israeli; u nga mahi manyala ya ku nghahi! Levi 18:9; 20:17; Deut. 27:22

Jeremia 5:8

Vona va kota a vamatsune va mahaxi ma xureko; a munwe ni munwani a yimba hi ku navela a sati wa muakelane.

Jeremia 7:11

Xana a yindlu leyi yi vitanwako hi vito ga mina, yi mahile a bako ga vaphangi a mahlweni ka nwina ke? Kunene, na minawo nzi zi wonile, ku wula Jehova. Isa. 56:7; Lu. 19:46

Jeremia 29:31

Rumela ka vontlhe va nga wukhumbini, uku: Jehova i ngalo xungetano ha Xemaya wa le Nehelame: Kotisa lezi Xemaya a nga profeta ka nwina na nzi nga mu rumangi, a mu maha mu tsumba mawunwa;

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.