Jeremia 29:10 - Tshwa Bible

¹⁰ Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Jeremia 29:10 Referans Kwoze

Zakaria 7:5

Byela vanhu vontlhe va tiko ni vapristi, uku: Laha mu nga yila mu maha hlomulo hi hweti ya wuntlhanu ni ya wuntlhanu ni timbiri xikari ka 70 wa malembe, mu wa zi mahela mina ke?

Danieli 9:2

hi lembe go ranga ga kufuma kakwe, mina Danieli nzi lo tivisiwa hi mabhuku a tsengo wa malembe lawa Jehova a byelileko muprofeti Jeremia, lawa ma ta nga hunza Jerusalema na gi sele kuhahlulweni, ma nga 70 wa malembe.

Jeremia 27:22

Zi ta yisiwa Babuloni, zi ya tshama kona kala siku nzi to zi lava ha gona, ku wula Jehova, nzi zi wuyisa ka legi wutshamu. 2 Kro. 36:22; Ezra 1:1, 7

Jeremia 25:12

Kanilezi loku ku hunzile a 70 wa malembe, nzi ta tsayisa a hosi ya Babuloni ni tiko ga kona hi kota ya kusoholoka kabye, ku wula Jehova, ni tiko ga maKaldea nzi ta gi maha giva xiwula kala kupinzuka. 2 Kro. 38:21; Ezra 1:1; Dan. 9:2

Zefania 2:7

Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

2 Kronekele 36:21

Kasi ku fela ku tatiseka a gezu ga Jehova legi gi wulilweko hi nomu wa Jeremia, kala a tiko gi ta ti tsakela hi masabado ya gona; gi humula xikhati xontlhe lexi kala ku mbhela 70 wa malembe. Levi 26:34; Jer. 25:12; Dan. 9:2

Rute 1:6

Zonake i lo suka ni vakatamwane vakwe le tikweni ga Moabi, hakuva i wa zwile lomu tikweni ga Moabi lezaku Jehova i enzele vanhu vakwe, hi ku va nyika zakuga.

2 Kronekele 36:22

Zonake hi lembe go ranga ga kufuma ka Kurusi a hosi ya le Persia, kasi ku fela ku tatiseka a gezu ga Jehova a gi wulileko hi nomu wa Jeremia, Jehova i lo vuxa a mbilu ya Kurusi a hosi ya le Persia, aba hungu ka wontihe mufumo wakwe ni ku tsala aku: Ezra 1:1; Isa. 44:23

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Jeremia 25:11

Gontlhe legi tiko gi tava marumbi ni xirewukiso; ni matiko laya ma ta tirela a hesi ya Babuloni a 70 wa malembe.

Jeremia 29:28

Hi kota ya lezi i hi rumele mhaka le Babuloni, aku: A wukhumbi ga ha ta leha; ti akeleni tiyindlu mu tshama ka tona, mu byala masimu ni kuga a mihanzu ya wona.

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 33:14

Ma hata masiku, ku wula Jehova, lawo nzi to tatisa a mhaka yi nene nzi yi wulileko hi yindlu ya ka Israeli ni xungetano hi yindlu ya ka Juda.

Zakaria 1:12

Zonake a ngelosi ya Jehova yiku: Jehova wa tiyimpi! kala rini na u nga hi na wuxinji ha Jerusalema ni miti ya ka Juda leyi u yi zangareleko a malembe laya ya 70 ke?

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Tisimu 102:14

Hakuva a malanza ya wena ma ranza a maribye ya wona, Ma zwela wusiwana a ntshuri wa wona.

Ezekieli 11:17

Hikwalaho u taku: Hosi Jehova i ngalo: Nzi ta mu hlengeletela hi ka matiko lawa mu nga hangalaswa ka wona, nzi ta mu nyika a tiko ga ka Israeli.