Jeremia 27:5 - Tshwa Bible

⁵ Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 27:5 Referans Kwoze

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Va le Kolosi 1:16

Hakuva a zilo zontlhe zi vangilwe ha yena, le tilweni ni laha misaveni, a zilo zi woniwako ni lezi zi nga woniwiko, kutani zitshamu za wuhosi, kutani mifumo, kutani vafumeli va mimoya, kutani mintamu; zontlhe zi vangilwe hi yena, zi vangelwa yena. Joh. 1:3; Rim. 11:36; 1 Ped. 3:22

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Mitiro 17:24

Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Deuteronome 32:8

Loku Loyi a nga Hehla-hehla a nyikileko matiko a tshomba ya wona, Laha yena na a hambanyisile a vanana va vanhu, I lo tsala mimbhingano ya vanhu Khwatsi hi wunyingi ga vanana va ka Israeli.

Deuteronome 9:29

Kasi lezo vona mbanhu va wena, ni tshomba ya wena, lava u va humesileko le Gipite hi ntamu wa wena wa hombe, ni woko ga wena gi nawulutilweko.

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Deuteronome 4:32

Wutisa ta masiku ya kale lawa ma ku rangeleko, kusukela a siku lego Nungungulu a nga vanga munhu laha misaveni, kusukela kusanguleni ka tilo kala magumeso ya gona, xana ku na nga humelela a zilo za hombe zo kota lezi ke? kutani va na ngazwa zo kota lezo ke?

Deuteronome 4:25

Laha u ta nga beleka a vanana ni vazukulu, ni laha mu ta nga ngha mu tshamile kale lomo, zonake mu ti onha, ni loku mu ti vatlela zifananiso leʼzi fananisako kani hi xihi xilo, mu maha kubiha mahlweni ka Jehova Nungungulu wa nwina, mu mu zangarisa,

Deuteronome 4:17

kutani xifananiso xa xihari xi fambako laha misaveni, kutani xifananiso xa xinyanyani xi hahako le tilweni,

Deuteronome 2:21

Gi wa hi tiko ga hombe ga vanhu vo tala na va zimukile kota vaAnake; kanilezi Jehova i lo va lovisa mahiweni ka va ka Amoni, zonake va teka a tiko gabye, na vona va akile matshanwini ya vona,

Deuteronome 2:19

U ta chikela ka vanana va ka Amoni. Kanilezi u nga va vukeli ulwa navo, hakuva cima nzi nga ta ku nyika nchumu xa tiko ga vanana va ka Amoni xi maha xa wena, hakuva nzi gi nyikile ka vanana va ka Loti lezaku gi maha gabye. Gen. 19:38; Vala. 11:15

Deuteronome 2:9

Jehova i te ngalo ka mina: U nga dzuki u vuka vaMoabi ulwa navo, hakuva cima nzi nga ta ku nyika nchumu xa tiko gabye, hakuva a tiko ga Ara nzi nyikile a vanana va Loti a kuva gi maha tshomba yabye.

Eksodusi 20:11

Hakuva hi ntlhanu wa masiku hi ginwe, Jehova i mahile tilo ni misava, ni bimbi, ni zontlhe zi nga ka zona; kanilezi i lo humula hi siku ga wuntlhanu ni mambiri; hikwalaho Jehova i katekisile a siku ga sabado a gi basisa. Gen. 2:2

Genesisi 9:6

Loye a halatako a nkhata wa munhu, a nkhata wakwe wu ta halatwa hi munhu; hakuva Nungungulu i lo maha vanhu hi mufananiso wakwe. Mat. 26:52; Kuv. 13:10

Mitiro 17:26

I lo maha tixaka tontlhe ta vanhu ti huma ka nyapanze munwe, a kuva ti aka misaveni yontlhe; na a tiyisile a zikhati za tona zi yimisilweko, ni mimbhingano ya kuaka ka tona;

Genesisi 1:25

Nungungulu i lo maha a zivangwa za khwati hi tixaka ta zona, ni zifuyo hi tixaka ta zona, ni lezi zi kokakokako misaveni hi tixaka ta zona: Nungungulu i lo wona lezaku zi sasekile.

Tisimu 96:5

Hakuva vontlhe vanungungulu va matiko zifananiso ntsena, Kasi Jehova i mahile matilo. Isa. 41:23; 1 Kor. 8:4

Jeremia 27:4

U ta va leletela ka tihosi tabye, uku: Jehova wa tiyimpi a Nungungulu wa Israeli i te ngalo: Byelani a tihosi ta nwina, muku:

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

1 Tihosi 8:42

hakuva va tazwa a timhaka ta vito ga wena ga hombe, ni canja ga wena ga ntamu, ni woko ga wena gi tlakukileko; loku yena a ta khongela ndlwini leyi;

Nehemia 9:22

Tlhatakumbiri u te vaha mifumo ni matiko, u va avela hi zipanze. Zingaho va lo fumela a tiko ga Sihoni, ku nga tiko ga hosi Hexboni, ni ga Ogi hosi ya Baxani.

Danieli 2:38

Ni kwihi laha a vanana va vanhu va akileko, a zihari za khwati ni tinyanyani ta tilo i zi vekile mandleni ya wena, a ku nyika ku fumela zona zontlhe. Hi wena a hloko ya nzalama.

Danieli 4:14

Yi lo kanyuluka aku: Singani a sinya, mu fungela a maravi ya yona, mu tlhatlha a matluka ya yona, mu hangalasa a mihanzu ya kona. A zihari a zi hume nzhutini wa yona, ni tinyanyani ti huma maravini ya yona. 1 Sam. 16:1, 12; 1 Tih. 22:19; Lu. 1:52

Danieli 4:22

ku wuliwa wena hosi, u kulileko uva ni ntamu; hakuva a wukulu ga wena gi tlakukile gi chikela tilweni, a kufuma ka wena ku navalata kala magemetamusi ya misava.