Jeremia 26:19 - Tshwa Bible

¹⁹ Xana Hezekia hosi ya ka Juda, ni gontlhe tiko ga Juda, va mu dele ke? Xana a nga chavangi Jehova, a kombela thomo ga yena, kasi Jehova a hunzuluka a ka khombo lego a nga wa wulile ha vona? Kanilezi hina hi mahela a mihefemulo ya hina a kubiha ka hombe.

Jeremia 26:19 Referans Kwoze

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Mitiro 5:39

kanilezi loku wu hi wa Nungungulu, mu nga ta zi kota ku va hlula; mu nga dzuka mu kumiwa mu kari muiwa na Nungungulu. Mat. 16:18; 1 Kor. 1:25; Fil. 1:28; Kuv. 17:14; Xip. 9:5

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 37:1

Laha hosi Hezekia a nga wa zi zwile, i lo hanzula tinguwo takwe, a ambala tisakwa, aya ndlwini ya Jehova. 2 Tih. 19:1

Kuvululelwa 16:6

Hakuva va halatile a nkhata wa vobasa ni wa vaprofeti; u va nyikile nkhata a kuva vanwa, va fanele lezo.

Mateu 23:35

Lezaku ku fela kuta hehla ka nwina a nkhata wontihe wu lulamileko lowu wu nga halatiwa misaveni, kusukela nkhateni wa Abeli a lulamileko, kala ka nkhata wa Zakaria nʼwana Barakia, loyi mu nga mu daya xikari ka tempeli ni alati. Gen. 4:8; 2 Kro. 24:20; Kuv. 18:24

Habakuka 2:10

A yindlu ya wena yi tawa tingana hi makungo ya wena, hi ku lovisa a matiko manyingi u onhele a moya wa wena nwinyi.

Jeremia 44:7

Hikwalaho Jehova, a Nungungulu wa tiyimpi tlhelo Nungungulu wa Israeli, i ngalo: Hikuyini mu ti mahelako a khombo legi ga hombe, kala ku lobyiswa a vavanuna; ni vavasati, ni vanana ni zihlangana xikari ka Juda, ku nga sali ni munwe wa nwina?

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Jeremia 26:3

Kutani va ta ingisa, munwe ni munwani a hunzuluka ndleleni yakwe yo biha, lezaku kasi nzi nga va neheli a khombo legi nzi xuvileko a ku va mahela hi kota ya zimaho zabye zo biha. Jer. 18:8, 11; Jona 3:10

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

2 Kronekele 32:20

Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.

Mitsengo 16:38

A zibya lezi a vanhu va onhileko mihefemulo yabye ha zona zi ta tlombiwa zi maha ziphambati za ku lemela a alati ha zona; hakuva zona zi nyikelwe mahlweni ka Jehova, na zona zi basile; zi tava xialakanyiso ka vanana va ka Israeli.

Amosi 7:3

Jehova i lo zi tsika. Zi nga ta maheka, ku wula Jehova.

Zakaria 7:2

Makunu a va le Beteli va Wa rumile Xarezera na Regem-meleki ni vavanuna vabye a ku ya khongela ka Jehova,