Jeremia 25:33 - Tshwa Bible

³³ Lava va delweko hi Jehova va ta mbambamela misaveni kusukela mbhirini kala ka yinwani mbhiri ya misava; va nga ta rilelwa, hambu ku hlengeletiwa, hambu ku lahliwa, va te maha koho misaveni.

Jeremia 25:33 Referans Kwoze

Isaya 66:16

Hakuva Jehova i ta lamula hi nzilo, A tsayisa a nyama yontlhe hi supado yakwe; Lava Jehova a ta nga va daya va tava vanyingi. Kuv. 19:20

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Tisimu 79:3

Va halatile a nkhata wabye khwatsi i mati matlhelweni wontihe ya Jerusalema; Ku wa nga hi na munhu wa ku va lahla.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Kuvululelwa 11:9

A vanhu va mifumo ni tixaka ni tirimi ni matiko va ta cuwuka zirumbi zabye a masiku manharu ni khihlanya, va nga vumeli a zirumbi zabye a ku lahliwa.

Zefania 2:12

Na nwina maEtiopia kambe mu ta hlaselwa hi supado ya mina.

Tisimu 83:10

Lava va nga lobyiswa le Endor, Va mahile koho wa misava.

2 Tihosi 9:37

A miri wa Jezebeli wu ta fanana ni koho lomu masinwini ya petso wa Jezreeli, laha ka kuva ku nga ha wuliwi kambe ku ngalo: Loyi hi Jezebeli.

Ezekieli 29:5

Nzi ta ku hoxa xiwuleni, wena ni zidluwani za micongo ya wena, u ta wela lomu mafuzini; u nga ta tsomhanyiswa hambu ku rolelwa. Nzi ta ku nyikela akuva u giwa hi zihari za misava ni tinyanyani ta tilo.

Ezekieli 21:11

I yi humesile kasi ya kutliwa yi khomiwa canjeni; yi kutlilwe ni ku lotiwa kasi ku nyikelwa mandleni ya muhlaseli.

Ezekieli 29:4

Nzi ta ku vekela zimemba miblayeni ya wena, nzi maha a zidluwani za micongo ya wena zi namarela magwarwini ya wena; nzi ta ku humesa lomu xikari ka micongo ya wena, zinwe ni zidluwani zontlhe lezi zi namareleko magwarwini ya wena.