Jeremia 25:3 - Tshwa Bible

³ A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.

Jeremia 25:3 Referans Kwoze

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Jeremia 1:2

A mhaka ya Jehova yi tile kakwe a masikwini ya Josia, a nʼwana Amoni, a hosi ya ka Juda, hi lembe ga wukhume ni manharu ga kufuma kakwe. 2 Tih. 23:34; 24:17; 25:8, 11

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 29:19

hakuva a va ingisangi a timhaka ta mina, ku wula Jehova, laha nzi nga va rumela a malanza ya mina vaprofeti hi kusimamisilweko. Kanilezi a mu zwangi, ku wula Jehova.

2 Kronekele 34:8

Makunu hi lembe ga wu 18 ga kufuma kakwe, i lo ruma Xafani nʼwana Azalia, na Maaseia a nduna ya muti, na Joa nʼwana Joahaza a mutsali wa timhaka, a ku basisa vanhu ni yindlu ya Jehova Nungungulu wakwe.

2 Kronekele 34:3

Hakuva hi lembe ga wu 8 ga kufuma kakwe, na ha hi muswa, i lo sangula ku hlota Nungungulu wa dadani wakwe Davida. Hi lembe ga wu 12 ga kufuma kakwe i lo sangula ku basisa va ka Juda ni va le Jerusalema, a susa a tiyindlu ta matshamu ma tlakukileko, ni zifananiso za Axtarte, ni zifananiso zi vatlilweko ni lezi zi wumbilweko.

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

Johani 8:47

Loyi a nga wa ka Nungungulu, wazwa a timhaka ta Nungungulu; nwina a mu ti ingisi, hakuva a mu va ka Nungungulu. Xip. 10:26; 1 Joh. 4:6

Johani 8:2

Hi manziko wa kona i lo tlhela aya tempeleni ni mixo, ni vanhu vontlhe va lota ka yena; i lo tshama hasi a va gonzisa.

Marku 1:35

Laha mixweni na gi nga se tsuwuka i lo vuka a huma, aya wutshanwini ga xiwula, a ya khongela kona.

Jeremia 44:4

Nzi lo khanzakanya nzi mu rumela a malanza ya mina, va nga vaprofeti, va taku ngalo: Mu nga maheni a manyalataniso lawa nzi ma vengako!

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 25:4

Kambe Jehova i rumele ka nwina a malanza yakwe wontihe hi kusimamisilweko, va nga vaprofeti; kanilezi nwina a mu ingisangi hambu aku phuhunha tindleve kasi kuzwa. 2 Tih. 17:13

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Tisimu 81:13

Loku ku wo khwatsi a tiko ga mina ga nzi ingisa, Loku ku wova Israeli i wa famba hi tindlela ta mina!

1 Tihosi 22:3

A hosi ya ka Israeli yi te ngalo ka malanza yakwe: Xana a mu zi tivi lezaku le Ramote-Gileade ka hina ke? Makunu ho miyela, a hi ku teki mandleni ya hosi ya le Siria!

Eksodusi 8:20

Jehova aku ka Mosi: Vuka laha mixweni uya yima mahlweni ka Faro; loku aya matini, u taku ka yena: Jehova i ngalo: Tlhatlha a vanhu va mina va ya nzi khozela!

Genesisi 22:3

Abrahama i lo vuka ni mixo, i lo gabhatsela a mbongola yakwe, a teka a malanza yakwe ya mambiri, na Isaka a nʼwana wakwe, i lo tshova ni tihunyi ta munyikelo wa kuhiswa, i lo suka aya ka wutshamu lego Nungungulu a nga mu byelile gona.

2 Kronekele 34:1

Josia i wa hi ni 8 wa malembe a xikhati a nga sangula ku fuma; i lo fuma 31 wa malembe le Jerusalema.

2 Kronekele 36:15

Jehova Nungungulu wa vadadani vabye i wa va layile zikhati zinyingi hi mitsumi yakwe, hakuva i wa hawukela a vanhu vakwe ni wutshamu gakwe.

Jeremia 7:25

A kusukela a siku legi a vararu va nwina va nga suka le tikweni ga Gipite kala lezi a siku ni siku na ga hi mixo nzi rumele ka nwina a malanza ya mina wontihe, va nga vaprofeti. 2 Kro. 36:15

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Jeremia 35:14

A timhaka ta Jonadaba nʼwana Rekabe, leti a layileko vana vakwe lezaku va nganwi vinya, va ti hlayisile; a va nwangi kala nyamutlha lezi, hakuva va ingisile a nayo wa raru wabye. Mina nzi wa sina nzi mu byelile kambe ni kambe, kanilezi a mu nzi ingisangi.

Jeremia 36:1

Hi lembe ga wumune ga Jehoiakimu nʼwana Josia, hosi ya ka Juda, a mhaka ya Jehova yi lota ka Jeremia, yiku:

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Kronekele 24:19

Jehova i lo rumela vaprofeti xikari kabye kasi ku va wuyiseta kakwe, kanilezi cima a va ingisangi.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Ezekieli 33:4

zonake ni wihi loyi a zwako a guwa ga mpunzu, a nga gi khatali, loku a supado yi chikela yi mu susa, a nkhata wakwe wu tava hehla ka hloko yakwe.

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.