Jeremia 23:17 - Tshwa Bible

¹⁷ Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 23:17 Referans Kwoze

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Amosi 9:10

Vontlhe vaonhi va tiko ga mina va ta dawa hi supado, lava vange: A khombo gi nga ta hi tshinelela, ge hambu ku hi wela.

Mika 3:5

I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Jeremia 8:11

A va cheli kota ku chuma a mbanga ya nhwana wa vanhu va mina, Vaku: Ku rulile, ku rulile, kasi a ku na kurula.

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Deuteronome 29:19

Ni kambe ku nga dzuki kuva kona munhu waku loku a zwile timhaka ta xifungo lexi, a rutisa mbilu yakwe aku: Nzi tava ni kurula, hambu loku nzi famba kuranzeni ka mbilu ya mina; lezo ku ta lova a byanyi go nyuka ni go woma.

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 13:10

Kota lezi va nga hambukisa a vanhu va mina, vaku: A kurula! na ku nge hi kona kurula; ni loku vanhu va aka khurisi vona vaprofeti va gi tshula hi mhemba; Jer. 6:14; Mika 3:5

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 6:14

A va khatalangi ku chuma a ti mbanga ta vanhu va mina, Vaku: Ku rulile, ku rulile! Na ku nga hi na kurula. Mika 3:5; 1 Tes. 5:3

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Mitsengo 11:20

kanilezi mu taga hweti yontlhe, yi kala yi huma hi lomu tinhovini ta nwina, mu swireka ha yona, hakuva nwina mu kanyisile Jehova loyi a nga xikari ka nwina, mu kala mu rila mahlweni kakwe, muku: Hi humele yini le Gipite ke?

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Jeremia 4:10

Zonake nzi lo wula mina, nziku: Ha, Hosi Jehova, hakunene u khohlisile nguvu a vanhu lava ni Jerusalema, uku: Nwina mu tava ni kurula. Kasike a supado ya va tlhava, va kusuhi ni kufa. 2 Tih. 22:18; Jer. 14:13

Isaya 57:21

A vakubiha a va na kurula, Ku wula Jehova.

2 Samueli 12:10

Hikwalaho a supado cima yi nga ta huma lomu ndlwini ya wena, hambu ni siku ginwe, hakuva u nzi kanyisile hi ku teka a sati wa Uria a muHiti u mu maha wa wena.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Zefania 1:12

Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!

Isaya 30:10

Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;

Jeremia 18:12

Kanilezi va ta hlamula, vaku: Wa ti karatela mahala, hi ta maha kuranza ka hina venyi, a munwe ni munwani i ta maha kota kunonoha ka mbilu yakwe yo biha.

Ezekieli 13:19

Mu nzi nyenyezisile xikari ka vanhu va mina hi kota ya macanja ya mavele, ni zipanzana za xibaba, na mu daya a mihefemulo leyi yi nga faneliko kufa, mu ponisa a mihefemulo leyi yi nga faneliko ku hanya, na mu kari mu hemba ka vanhu va mina lava va ingisako mawunwa.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Deuteronome 29:18

Ku nga dzuki kuva kona xikari ka nwina a wanuna, kutani wasati, kutani i ngango, kutani lixaka leli a mbilu ya lona yi hambukileko legi siku ga Jehova Nungungulu wa hina, aya khozela vanungungulu va matiko lawo; ku nga taku kuva kona xikari ka nwina a mutsu lowu wu humesako nyongwa ni manonwe. Miti. 8:23; Maheb. 12:15