Jeremia 22:3 - Tshwa Bible

³ Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 22:3 Referans Kwoze

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Joeli 3:19

A Gipite gi tava marumbi, na Edome i tava xiwula, hikuva va vukeleko a vana va ka Juda hi tihanyi, va halata a nkhata wu nga hiko na nanzu a tikweni gabye.

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Jeremia 5:28

Va kulukile, va tolile mafura; a kubiha kabye a ku na magumo; a va yimeli mhaka ya zisiwana lezaku zi vuvuma; a va tsemi mhaka ya vavumali hi fanelo.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Mavingu 23:10

U nga hunzulusi a mbhingano wa kale, nga engheni sinwini ga xisiwana: Ekso. 22:22; Deut. 19:14

Tisimu 68:5

I dadani wa zisiwana, tlhelo muyimeli wa tinoni, Nungungulu i lomu wuakelweni gakwe go basa. Deut. 10:18

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

Deuteronome 24:7

Loku munhu a yiva munhu wa vamakabye vakwe a xikari ka vanana va ka Israeli, a mu maha khumbi yakwe, kutani a mu xavisa, a khamba lego gi tafa; kasi wa fela ku susa kubiha xikari ka wena. Ekso. 21:16; 1 Tim. 1:10

Jeremia 26:16

Zonake a tihosana ni vontlhe vanhu vaku ka vapristi ni ka vaprofeti: Loyi munhu a nga faneli kufa, hakuva i kanela ka hina hi vito ga Jehova a Nungungulu wa hina.

Mavingu 6:17

A mahlo ya matshanza, a lirimi li hembako, i mandla lawa ma halatako nkhata wu nga hiko na nanzu;

Tisimu 94:21

Va hlengeletanela a muhefemulo wa loyi a lulamileko, Va kona lava va nga hiko na nanzu.

Tisimu 94:6

Va daya tinoni ni valuveli, Va daya ni zisiwana.

Joba 24:9

Lava va felweko hi vararu va wutliwa maveleni ya vanyine vabye, Ni zisiwana zi kurumetiwa ku humesa seve.

Joba 22:9

Wena u tlhelisile a tinoni na ti nga hi na nchumu, Ni mawoko ya zisiwana ma tshobyilwe.

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Deuteronome 27:19

Khombo a give ka loyi a hambukisako nongameto ka muluveli, ni ka xisiwana, ni ka noni! A vanhu vontlhe va ta hlamula, vaku: Amen!

Deuteronome 25:1

Loku vavanuna va holovisana, zonake vaya mahlweni ka Valamuli kasi va fela ku ya lamulwa, a Valamuli va ta tlhatlha loyi a lulamileko ni ku kona loyi a nga ni nanzu.

Deuteronome 10:18

loyi a yimelako zisiwana ni tinoni kulamuleni; loyi a ranzako valuveli, a va nyika kuga ni kuambala.

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Eksodusi 22:22

Mu nga dzuki mu xanisa a noni, hambu ni nwanana wa xisiwana.

Mateu 23:23

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

Eksodusi 22:21

U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Isaya 58:7

Ina, u ta phamela loyi a nga ni ndlala a zakuga za wena, Ni ku rurela a ndlwini ya wena lava va vumalako va nga hiko na muti; U ambexa lava va nga hiko na tinguwo, Ni kuva u nga fulareli loyi a nga nyama ya wena hi xiviti. Mat. 25:35

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Mikosi 3:36

Ni ku kalavela munhu mhakeni yakwe, Xana Hosi a yi zi woni ke?

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Deuteronome 24:17

U nga hambukisi a nongameto wa muluveli ni wa xisiwana, ni kambe u nga teki a nguwo ya noni u maha yo zima ha yona seve. Isa. 1:17; Jer. 5:28; Ezek. 22:29

Tisimu 82:4

Tlhatlhisa loyi a hlokisilweko ni muvumali, Mu va ponisa mandleni ya laʼvo biha.

Ezekieli 18:7

loyi a nga onhelangiko munhu, loyi a tlhelisileko a seve wa loyi a nga hi ni nanzu, loyi a nga wutliko nchumu, loyi a phamelako loyi a nga ni ndlala, a hanzulela loyi a nga ni wuna; Ekso. 22:26; Deut. 24:10; Mat. 25:35

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9