Jeremia 22:13 - Tshwa Bible

¹³ Khombo ka munhu loyi a akako yindlu yakwe hi kungalulami, Ni tikwaruto ta yona hi kusoholoka, Loyi a tirisako munhu-kulobye handle ka hakhelo, A nga mu rihi; Levi 19:13; Deut. 24:14; Jak. 5:4

Jeremia 22:13 Referans Kwoze

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Mika 3:10

Nwina mu akako Zioni hi nkhata ni Jerusalema hi kubiha. Jer. 22:13; Hab. 2:12

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Jeremia 22:18

Hikwalaho Jehova i wula xungetano ha Jehoiakimu a nʼwana Josia, hosi ya ka Juda, aku: Va nga ta mu rilela, vaku: Yowe nakulori! Yowe makweru! Va nga taba nkosi ha yena, vaku: Yowe hosi! kutani, Yowe a wudumo gakwe!

2 Kronekele 36:4

A hosi ya le Gipite yi lo yimisa Eliakimu, a nakulobye, a kuva hosi ya ka Juda ni Jerusalema, a hunzula a vito gakwe, aku hi Jehoiakimu. Neko i lo teka nakulobye Joahaza a mu yisa le Gipite.

2 Kronekele 36:5

Jehoiakimu i wa hi ni 25 wa malembe a xikhati a nga sangula ku fuma; i lo fuma 11 wa malembe le Jerusalema. I lo maha kubiha mahlweni ka Jehova Nungungulu wakwe.

Isaya 5:8

Khombo ka vona va ti wutlelelako tiyindlu, Ni lava va engetelako masimu hi masimu Kala ku nga have na wutshamu, Kasi va aka voce xikari ka tiko.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Deuteronome 15:13

Ni loku a huma ka wena na u mu tlhatlhile, u nga mu fambisi kabye na a nga welelangi nchumu.

Joba 31:39

Loku nzi gile mihanzu ya gona na nzi nga gi xavangi, Ni loku nzi mahile a venyi va gona va lahlekelwa hi wutomi,

Habakuka 2:12

Khombo a give ka loyi a akako muti hi nkhata, a yimisako a doropa hi kubiha.