Jeremia 21:12 - Tshwa Bible

¹² Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 21:12 Referans Kwoze

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Jeremia 5:28

Va kulukile, va tolile mafura; a kubiha kabye a ku na magumo; a va yimeli mhaka ya zisiwana lezaku zi vuvuma; a va tsemi mhaka ya vavumali hi fanelo.

Va le Roma 13:4

Hakuva a mufumeli i nanza ga Nungungulu a ku ku mahela zo saseka. Kanilezi loku u maha lezi zi bihileko, chava; hakuva mufumeli a nga khomi supado mahala; hakuva yena i nanza ga Nungungulu, a muphoteli wa zanga ka loyi a mahako kubiha.

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Ezekieli 22:31

Hikwalaho nzi ta chulula a zanga ya mina hehla kabye, nzi va lovisi hi nzilo wa khulo ga mina; nzi ta veka a nanzu wa zimaho zabye tihlokweni tabye, ku wula Hosi Jehova.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Jeremia 23:19

Langutani, a xipupuri xa Jehova, xi nga xiviti xakwe, xi vindlukile hi ntamu, xi fana ni xingulu; xi ta wela hehla ka tihloko ta vabihileko.

Jeremia 5:14

Hikwalaho Jehova Nungungulu wa tiyimpi i ngalo: Hi kota ya lezi mu wulileko lezo, nzi ta hunzula a timhaka ta mina tiva nzilo a nonwini wa wena, nzi hunzula tiko legi giva tihunyi, ni nzilo wu ta va khadamula,

Isaya 7:13

Isaya aku: Ingisani makunu, nwina va yindlu ya ka Davida: Kasi xilo xitsongwani loku mu karata vanhu, ko kala mu karata na Nungungulu wa mina ke?

Isaya 7:2

Zonake a yindlu ya ka Davida yi byeliwa lezaku: Siria i govile le ka Efraime, zonake a mbilu ya Ahazi ni timbilu ta vanhu vakwe ti lo rurumela, khwatsi a tisinya ta khwati ti tsekatsekiswako hi mheho.

Tisimu 101:8

Mixo ni mixo nzi ta lovisa a vaonhi vontlhe va tiko, Kasi nzi heta vontlhe vamahi va kubiha lomu mutini wa Jehova. Rom. 13:4

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Joba 29:17

Nzi wa tshova tihlaya ta wa ku biha, Nzi wa kakatlula a muphango menweni yakwe.

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Eksodusi 18:13

Hi siku gi gamelako Mosi i lo tshama ku lamula vanhu, a vanhu va lo ta yima mahlweni ka Mosi kusukela ni mixo kala laha gambyeni.

Jeremia 7:5

Hakuva loku mu chukhwatisa a mahanyela ya nwina ni mitiro ya nwina, loku mu lamula hi kululama xikari ka munhu ni muakelwani wakwe,

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.