Jeremia 2:25 - Tshwa Bible

²⁵ Chela kota lezaku a nkonzo wa wena wu nga lahlekelwi hi xilato, Ni nkolo wa wena a kuva ni tora. Kanilezi wena u ngalo: Wa ti karatela mahala, Hakuva nzi ranza a vanungungulu va vamatiko, Nza ha ta va lanzela.

Jeremia 2:25 Referans Kwoze

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Jeremia 18:12

Kanilezi va ta hlamula, vaku: Wa ti karatela mahala, hi ta maha kuranza ka hina venyi, a munwe ni munwani i ta maha kota kunonoha ka mbilu yakwe yo biha.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Va le Roma 8:24

Hakuva hi hanyiswa hi kutsumba loku; kanilezi a kutsumba loku ku wonekako a ka ha hi kutsumba; hakuva himani a tsumbako loku ku nga hi yena loyi a tsumbako lezi zi nga woniwiko ke? Maheb. 11:1

Mikosi 4:4

A lirimi la xihlangana li namarele malakalakeni hi kota ya tora; A zisumbi zi kombela zakuga, kanilezi a nga kona ni munwe a zi phamelako.

Jeremia 14:10

Jehova i wula hi tiko legi, aku: Va ranza ku pepetseka kota lezi, A va ti khomangi kufambeni ka bye; Hikwalaho Jehova a nga xalaliswi ha vona; Makunu i ta alakanya a kusoholoka kabye, a tsayisa zionho zabye.

Jeremia 13:22

Loku u wula mbilwini ya wena, uku: Zita hikuyini lezi zilo hehla ka mina ke? Tiva lezaku a nguwo ya wena yi tlakusilwe hi kota ya kubiha ka wena ka hombe. Ni zirenze za wena zi biwa. Isa. 47:2; Nah. 3:5

Isaya 57:10

U wa karele hi ku famba nguvu, Kanilezi a ku na nga wula, uku: A zi vuni nchumu! U kumile ntamu wuswa, a ku rerekangi.

Isaya 2:6

Jehova, u tsikile a vanhu va wena, a yindlu ya Jakobe, hakuva va tele hi mikhuwo ya le Mutsuwuka-gambo, zitumbe khwatsi maFilistia, va catana wunghana ni vamatiko.

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.

Luka 16:24

I lo vitana aku ngalo: Dadani Abrahama, nzi mahele wuxinji, u ruma Lazaru, a kuva a peta wutlha ga litiho lakwe matini, a ta titimeta a lirimi la mina, hakuva nza xaniseka nguvu phingweni legi. Isa. 66:24; Zak. 14:12; Mar. 9:44

Luka 15:22

Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

Hosea 2:3

Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.

Jeremia 44:17

Kanilezi hi ta maha zontlhe lezi hi zi wulileko hi milomu ya hina, hi ta hisela a muzinza wa tilo a libani, ni ku mu mahela miphahlo ya kunwa khwatsi hilezi hi mahileko hina ni vadadani va hina, ni tihosi ni tihosana ta hina lomu mitini ya ka Juda ni lomu maruweni ya Jerusalema. Hakuva xikhatini lexo hi wa hi ni kuga ku eneleko, hi wa humelela, hi nga woni kubiha.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 13:21

U ta kuyini loku a veka hehla ka wena a maxaka ya wena u fumelwa hi wona? Hi wena u va gonzisileko a kuva venyi va wena. Xana zi nga ta bayisa ka wena kota wasati a lunwako ke?

Jeremia 22:20

Kanziha Lebanoni, u kanyuluka, Tlakusa gezu ga wena le Baxani! Kanyuluka na u hi le Abarime, Hakuva a varanziwa va wena vontlhe va lobyisilwe.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Ezekieli 20:32

Lezi nwina mu zi alakanyako zi nga ta maheka, lezi mu nge: Hi ta fanana ni yinwani mifumo ni tixaka ta matiko: hi ta khozela a tisinya ni maribye. Deut. 4:28

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Malaki 3:14

Mu te ngalo: A zi vuni nchumu ku tirela Nungungulu! Hi kanyarile yini hi ku hlayisa zileletelo za yena, ni lezi hi nga famba na hi ambele tinguwo ta xirilo mahlweni ka Jehova wa tiyimpi?

2 Kronekele 28:23

Hakuva yena hosi Ahaza i lo phahlela ka vanungungulu va le Damasku lava va mu Wulileko, hakuva i waku: Khwatsi hi lezi a tihosi ta le Siria ti vunetelwako hi vanungungulu va tona, minawu nzi ta va tlhavela miphahlo kasi va fela ku nzi vunetelawu. Kanilezi va lo vuna a ku mu lovisa zinwe ni va ka Israeli.

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.