Jeremia 2:23 - Tshwa Bible

²³ Xana u nga wutisa kuyini, uku: A nzi nyenyeziswangi, A nzi lanzelangi Baali? Hi nga wona a ndlela ya wena le nzhelelweni, Alakanya lezi u zi mahileko. Wena u kameli ga mazambo, legi gi tsutsumelako lahaya ni lahaya.

Jeremia 2:23 Referans Kwoze

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Mavingu 30:12

Li kona ni lixaka li basileko kuwoneni ka lona, asi lezo a li hlaziwangi a chaka ga lona;

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Luka 10:29

Kanilezi yena na a xuva ku ti lulamisa, aku ngalo: Himani wakelene na mina ke?

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Jeremia 3:2

Tlakusa mahlo ya wena migangeni Hi kwihi laha wena u nga etleliwiko kona ke? U tshamele vona le tindleleni, a ku fanana ni muArabia le xiwuleni, U nyenyezisile tiko hi wubhayi ga wena ni kubiha ka wena. Gen. 38:14

Mavingu 30:20

Zinghaho ni ndlela ya wasati wa xibhayi: ga a ti sula nomu, ku: Cima a nzi mahangi kubiha.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Tisimu 50:21

Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.

Tisimu 36:2

Hakuva xa mu byela zilo zi xalalisako mahlo yakwe, Lezaku a xionho xakwe xi nga ta kumeka xi vengiwa.

Estere 8:16

A vaJuda va lo tshama kuwonekeleni hi kutsaka ni wudzunzo.

Jeremia 2:36

Hikuyini u hatlisako nguvu ku hunzula a ndlela ya wena ke? Hi Gipite kambe u ta wisiwa tingana Kotisa lezi u nga wisiwa tingana hi Assiria. 2 Kro. 28:20

Jeremia 14:10

Jehova i wula hi tiko legi, aku: Va ranza ku pepetseka kota lezi, A va ti khomangi kufambeni ka bye; Hikwalaho Jehova a nga xalaliswi ha vona; Makunu i ta alakanya a kusoholoka kabye, a tsayisa zionho zabye.

Jeremia 16:10

Loku u tivisile lava vanhu tontlhe leti timhaka, na vaku: Hikuyini Jehova a wulako hehla ka hina hi khombo legi ga hombe ke? hi kwihi kubiha ka hina, kutani kugoha loku hi onheleko ha kona Jehova a Nungungulu wa hina ke?

Hosea 1:2

Laha Jehova a nga ranga a wulawula na Hosea, aku: Famba, uya teka a sati wa wubhayi ni vanana va wubhayi, hakuva a tiko ga maha wubhayi gi fularela Jehova. Vala. 8:33; Ezek. 16:15