Jeremia 2:14 - Tshwa Bible

¹⁴ Xana Israeli a ngava khumbi yi xabyilweko, Kutani khumbi yi pswalilweko lomu ndlwini ke? Hikuyini a phangiwako ke?

Jeremia 2:14 Referans Kwoze

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Mutshawuteli 2:7

Nzi lo xava tikhumbi ta xinuna ni ta xisati, ku belekiwa malanza ndlwini ya mina; nzi lo fuya mitlhambi ya hombe ya tihomu ni tiyivu ku hunza vontlhe lava va nzi rangeleko le Jerusalema.

Genesisi 15:3

Abrama i te ngalo: Languta, a ku nzi nyikangi a nʼwana; hi nga cuwuka, a nanza ga ku belekwa lomu ndlwini ya mina gi tava mugi wa tshomba ya mina.

Eksodusi 12:49

Ku tava nayo munwe, a ka loyi a belekilweko lomu lixakeni la nwina ni ka wamatiko loyi a luvelako xikari ka nwina.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.