Jeremia 19:15 - Tshwa Bible

¹⁵ Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 19:15 Referans Kwoze

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 13:11

Hakuva kota lezi a bhandi gi namarelako xiwunwini xa munhu, hizalezo nzi mahile yontlhe a yindlu ya Israeli ni yontlhe a yindlu ya ka Juda ti namarela ka mina, ku wula Jehova, kasi vave ka mina a tiko, ni vito, ni wudzunzo, ni wukulu; kanilezi a va vumelangi ku ingisa. Deut. 26:19

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 25:3

A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.

Jeremia 25:4

Kambe Jehova i rumele ka nwina a malanza yakwe wontihe hi kusimamisilweko, va nga vaprofeti; kanilezi nwina a mu ingisangi hambu aku phuhunha tindleve kasi kuzwa. 2 Tih. 17:13

Jeremia 25:7

Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.

Jeremia 25:8

Hikwalaho Jehova wa tiyimpi i ngalo: Kotisa lezi mu nga ingisiko a timhaka ta mina,

Mikosi 2:2

A Hosi yi hahlula yontlhe a miti ya ka Jakobe, na a nga hi na kutsetsa. Hi zanga yakwe i khungumule a makhokhola ya nhanyana wa ka Juda, I ma wisile lahasi, a onha a mufumo ni tihosi ta kona.