Jeremia 18:15 - Tshwa Bible

¹⁵ Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 18:15 Referans Kwoze

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Malaki 2:8

Kanilezi nwina mu hambukile; hi kugonzisa ka nwina mu khunguvanyisile vanyingi; mu wonhile a xivumelwano xa Levi, ku wula Jehova wa tiyimpi.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 10:15

Zona a zi nyawuli, mitiro ya wu khohlisi; A xikhatini xa kutsayiswa zi ta lova.

Isaya 41:29

Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Mateu 15:6

Nwina mu mahile a mhaka ya Nungungulu yi nga hi na ntamu hi kota ya mahanyela ya nwina.

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 13:25

Lexi hi xiavelo xa wena lexi u ringaniselweko hi mina, Ku wula Jehova; Hakuva u nzi rivele, u tsumba mawunwa.

Jeremia 3:21

Lomu migangeni ku zwakala a gezu ga zirilo ni kutsikwila ka vana va ka Israeli; Hakuva vona va bihisile tindlela tabye, Va rivele Jehova, a Nungungulu wabye.

Va le Roma 14:21

Zi sasekile ku kala u ngagi nyama, hambu kunwa vinya, hambu ku maha xilo lexi a makabye wa wena a ta nga khunguvanyeka ha xona.

Jeremia 44:25

Jehova wa tiyimpi, a Nungungulu wa Israeli, i ngalo: Nwina ni vasati va nwina mu tatisile hi mandla ya nwina lezi mu nga wulile hi milomu ya nwina, muku: Futsi hi ta tatisa a zifungo za hina lezi hi zi fungileko, za ku hisela a muzinza wa tilo a libani, hi mu phahlela hi zakunwa. Tiyisanike a zifungo za nwina, mu zi tatisa!

Jeremia 19:5

na va akele Baali a matshamu ma tlakukileko, kasi va hisa kona a vana vabye hi nzilo a kuva miphahlo yo hiswa ya Baali; lezi nzi nga va layangiko, hambu a ku va byela, ne ni ku zi alakanya.

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Isaya 9:16

Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Isaya 3:12

A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Jeremia 18:14

Xana a gapongo ya Lebanoni yi nga tsika a ribye ga nhova ke? Kutani a mati yo titimela ma khulungako mata hi le kule ma ngapswha ke?

Jeremia 51:18

Zona a zi nyawuli, mitiro ya wukhohlisi; A xikhatini xa kutsayiswa ka zona zi ta lova.

Ezekieli 21:15

Nzi dembile a wutla ga supado ka tontlhe tinyangwa tabye, kasi a timbilu tabye ta nyekiswa, ku enzelekiswa lava va wako. Ha! yi mahilwe ku kwezima, yi dembilwe kasi ku hlasela.

Ezekieli 36:15

Nzi nga ta ku tsika uzwa kambe a xiruko xa matiko, hambu ku rwala a nzhukano ya vanhu; u nga ta khunguvanyisa a tiko ga wena kambe, ku wula Hosi Jehova.

Hosea 2:6

Hikwalaho nzi ta vala a ndlela yakwe hi mizwa, nzi mu vekela libhingo kasi a nga ha woni tisoko takwe.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Jeremia 1:16

Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.

Jeremia 11:12

Zonake a miti ya ka Juda ni vaaki va Jerusalema, va ta ya rila ka vanungungulu lava va nga va hisela libani, kanilezi cima, va nga ta va ponisa a sikwini ga khombo gabye.

Jeremia 11:13

Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.