Jeremia 17:25 - Tshwa Bible

²⁵ zonake ku ta engheniwa hi tinyangwa ta muti lowu, a tihosi ni tihosana ti tshamileko xitshanwini xa wuhosi xa Davida, na ti khilele tikareta ni mahaxi, ti lanzelwa hi tihosana tabye, ni vanhu va ka Juda, ni vaaki va Jerusalema; ni muti lowu wu tava ni vanhu kala kupinzuka.

Jeremia 17:25 Referans Kwoze

Jeremia 22:4

Hakuva loku mu ingisa mhaka leyi, zonake ku ta engheniwa hi tinyangwa ta yindlu leyi a tihosi ti tshamileko a xitshanwini xa wuhosi xa Davida, na ti khilele a tikareta ni mahaxi, zinwe ni malanza ya tona ni vanhu va tona.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Jeremia 33:21

zonake a xivumelwano xa mina zinwe na Davida a nanza ga mina xi nga tshoveka, lezaku a ngave na nʼwana wo fuma xitshanwini xakwe xa wuhosi; zinwe ni vaLevi va nga vapristi lava va nzi tirelako.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

2 Samueli 7:16

Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

Jeremia 22:30

Jehova i ngalo: Tsalani a vito ga munhu loyi lezaku a nga na vana, munhu a to kala ku vuvuma masikwini yakwe. Hakuva ku nga ta humelela ni munwe wa vana vakwe, lezaku a nyikwa ku tshama xitshanwini xa wuhosi xa Davida, a fumela Juda.

Jeremia 13:13

Zonake u taku kabye: Jehova i ngalo: Languta, vontlhe vaaki va legi tiko, na tona tihosi ti tshamako xitshanwini xa wuhosi xa Davida, ni vapristi, ni vaprofeti, ni vaaki vontlhe va Jerusalema, nzi ta va tatisa hi kupopiwa.

2 Samueli 8:4

I lo mu wutlela 1,700 wa vakhileli va mahaxi, ni 20,000 wa vavanuna va fambako hi milenge, a tsema misiha ya mahaxi ya tontlhe tikareta, a siya lawa ma ringanako 100 wa tikareta.

1 Samueli 8:11

aku: A malungelo ya hosi leyo yi to mu fumela, hi lawa: I ta teka a vana va nwina a va kanzihisa lomu ka tikareta takwe ni mahaxi yakwe, va ta tsutsuma mahlweni ka kareta yakwe.

Deuteronome 17:16

Ntsena lezaku a nga ti longiseli a mahaxi yo tala, hambu ku zwanana ni Gipite kasi kuva ni mahaxi yo tala; hakuva Jehova i te ngalo ka nwina: Mu nga ha tlheli kambe muya hi ndlela leyo. 1 Tih. 10:26, 28; Isa. 31:1

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Jeremia 22:2

Zwana a mhaka ya Jehova, wena hosi ya ka Juda, u tshamileko a xitshanwini xa wuhosi xa Davida, wena ni malanza ya wena, ni vanhu va wena lava va enghenako hi tinyangwa leti.

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Jeremia 7:3

Jehova wa tiyimpi, a Nungungulu wa Israeli, i ngalo: Chukhwatisani a mahanyela ya nwina ni mitiro ya nwina, zonake nzi ta mu vumela ku simamisa mu aka ka wutshamu legi.

Jeremia 7:7

zonake nzi ta maha nwina mu aka ka wutshamu legi, a tikweni nzi nyikileko a vararu va nwina kala kupinzuka.