18 Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.
Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.
Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7
Ngha va chelwa tingana ni ku kanganyiseka Vontlhe lava va hlotako wutomi ga mina kasi ku gi lovisa; A va tlheliselwa nzhako vaku koyo tingana Lava va tsakako hi kulamatwa ka mina.
Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29
Mina a nzi alangi a kuva murisi loyi a te ku dota hi lenzhako, A nzi navelangi a siku ga khombo; wena wa zi tiva. Lezi zi humeleko milonwini ya mina zi wa wulilwe mahlweni ka wena.
Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.
Ngha va chelwa tingana ni ku kanganyiseka, Lava va hlotako wutomi ga mina. A va tlheliselwe nzhako vaku koyo tingana Lava va tsakako hi kulamatwa ka mina.
U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.
Hikwalahoke, ti bohe a xiwunu xa wena, u yima, u va byela zontlhe lezi nzi ta nga ku laya zona. U nga dzuki u chava a mahlweni kabye, ku nga taku nzi ku chavisa mahlweni kabye. Lu. 12:35; Efe. 6:14; 1 Ped. 1:13
O Jehova, wena wa nzi tiva. Wa nzi wona, u hlola mbilu ya mina lezaku yi tshamisa kuyini ka wena. Simula vona kota tiyivu ti yiswako silahweni, Va longisele a siku ga kudawa.
Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14
Jehova i te ngalo ka mina: Famba u ya yima nyangweni ya vana va tiko, leyi ku enghenako ha yona a tihosi ta ka Juda, ti humako ha yona, u yima ni ka tontlhe tinyangwa ta Jerusalema;
O Jehova, katekisa ntamu wakwe, U amukela mitiro ya mandla yakwe. Lamata mihlana ya valala vakwe, ni ya lava va mu vengako, Kasi va fela ku kala va nga ha suki kambe.