Jeremia 17:11 - Tshwa Bible

¹¹ Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Jeremia 17:11 Referans Kwoze

Mavingu 28:20

A munhu a kholekileko i tava ni zikatekiso zinyingi; anilezi loyi a navelako ku fuma hi ku hatlisa a nga ta kala a nga tsayiswi. 1 Tim. 6:6, 9

Mavingu 21:6

A ku ti lavela tshomba hi lirimi la mawunwa, u hi hunguva leyi yi ndlengandlengiswako, i ziyo ga kufa.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 22:13

Khombo ka munhu loyi a akako yindlu yakwe hi kungalulami, Ni tikwaruto ta yona hi kusoholoka, Loyi a tirisako munhu-kulobye handle ka hakhelo, A nga mu rihi; Levi 19:13; Deut. 24:14; Jak. 5:4

Mavingu 28:8

Loyi a anzisako a tshomba yakwe hi bhinzu gi bihileko, yi hlengeletelela loyi a hawukelako Zisiwana.

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

Titusi 1:11

lava va faneleko ku valiwa milomu, hakuva va hahlula mingango yi mbhela, hi ku gonzisa lezi zi nga faneliko, kasi ku kuma bhinzu go biha. Mat. 23:14

Zefania 1:9

Hi siku lego nzi ta tsayisa lava va tlulako a xipimbitsi, lava va tatako a yindlu ya hosi yabye hi lezi zi phangilweko hi kanu ni kukhohlisa.

Mavingu 28:22

A munhu wa wutsona wa hatlisa ku fuma; ima a nga alakanyi lezaku a wusiwana gi ta wela hehla kakwe.

Mavingu 13:11

A kufuma loku ku kumiwako hi xihatla ku ta mbhela; anilezi loyi a hlengeletelako hi ku ti tirela i ta enzeleka.

Tisimu 55:23

Wena Nungungulu, u ta va cukumeta nkeleni wa kulobyiswa, Lava va nga zigevenga ni vakhohlisi va nga ta hanya khihlanya ga masiku yabye; Kanilezi mina nzi ku tsumbile.

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Zakaria 5:4

Nzi wu humesile, ku wula Jehova wa tiyimpi, wu ta enghena lomu ndlwini ya khamba, ni lomu ndlwini ya loyi a hlambanyako mawunwa hi vito ga mina; wu ta tshama ndlwini yakwe, wu mbheta a timhanze ta yona ni maribye ya yona.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Mika 2:9

Mu hlongola a vavasati va tiko ga mina tindlwini tabye to tsakisa, a vanana vabye mu va tekela a wukosi ga mina kala kupinzuka.

Amosi 3:10

A ku maha kululama a va zi tivi, ku wula Jehova, va hlengeletela ziluvelweni zabye a zilo lezi va zi phangileko hi kanu ni mubango.

Mavingu 28:16

Ni hosi leyi yi nga hiko na kupimisisa yonawu mutsimbeketi wa hombe; anilezi loyi a vengako ku navela mali i ta lehisa masiku yakwe.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Tisimu 49:13

Hi gona hanyela ga zipumbu; Kasike lava va va lanzako va tsakiswa hi magezu yabye. (Sela.)

Jeremia 6:13

Hakuva va ti nyiketele kumbilukeleni, A vatsongwani ni vahombe, A vaprofeti ni vapristi, vontlhe va kanganyisa.

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Joba 20:21

Ku hava nchumu a nga wu khadamulangiko, Hikwalaho a kutsaka kakwe ku nga tava ka simasima.