Jeremia 16:14 - Tshwa Bible

¹⁴ A masiku mata, ku wula Jehova, laha ku ta nga kala ku nga ha wuliwi kambe ku: Jehova wa hanya, loyi a humesileko a vanana va ka Israeli hi le tikweni ga Gipite;

Jeremia 16:14 Referans Kwoze

Deuteronome 15:15

U ta alakanya lezaku na wenawu u wa hi khumbi le Gipite; ni lezaku Jehova Nungungulu wa wena i ku tlhatlhisile; hi kota ya lezo nza ku nyika lowu nayo inyamutlha.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Mika 6:4

Hakuva nzi ku humesile tikweni ga Gipite, nzi ku tirula ndlwini ya wukhumbi, nzi ku rangela mahlweni hi va Mosi na Aroni na Miriamu.

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Tisimu 81:7

U lo nzi khongela na u hi zikaratweni, nzi ku ponisa, Nzi ku hlamule na nzi hi xihundleni xa kudzinza. Nzi ku ringa le matini ya Meriba. (Sela.) Ekso. 17:1; Mitse. 20:13

Tisimu 81:11

Kanilezi a vanhu va mina a va ingisangi a gezu ga mina, Na Israeli i wa nga nzi lavi.