Jeremia 15:2 - Tshwa Bible

² Loku va ku wutisa, vaku: Xana hi taya kwihi ke? U ta va hlamula, uku: Jehova i ngalo: Lava va yimiselweko kufa, va taya kufeni; lava va yimiselweko supado, va taya supadweni: lava va yimiselweko ndlala, va taya ndlaleni; ni lava va yimiselweko a wukhumbi, va taya wukhumbini.

Jeremia 15:2 Referans Kwoze

Jeremia 43:11

I ta ta hlasela a tiko ga Gipite; lava va yimiselweko kufa va ta dawa, ni lava va yimiselweko wukhumbi va taya wukhumbini; lava va yimiselweko ku dawa hi supado va ta dawa hi supado.

Zakaria 11:9

Zonake nziku: Nzi nga ta ha mu risa! Leyi yi fako, a yife; ni leyi yi lahlekako, a yi lahleke! Leti ti salako, a yinwe ni yinwani a yige a nyama va yinwani.

Kuvululelwa 13:10

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa. Gen. 9:6; Isa. 33:1; Mat. 26:52

Ezekieli 5:2

U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Jeremia 14:12

Loku va yila, nzi nga tazwa a kurila kabye; loku va nyikela a muphahlo wa kuhiswa ni wa zakuga, nzi nga ta wu tsakela; kanilezi nzi ta va lovisa hi supado, ni ndlala, ni ntungu. Mav. 1:28; Isa. 1:15

Isaya 24:18

Loyi a ta nga tsutsuma hi kota ya chawo, i ta wela rinzini; ni loyi a ta nga huma rinzini, i ta phasiswa hi ziyo. Hakuva a tinjhanela ta le hehla ti vululekile, ni ziseketelo za misava za tsekatseka. Gen. 7:11; Am. 5:19

Amosi 5:19

Mu ta kota munhu a tsutsumako a nghala, a ya tlhangana ni urso; a enghena lomu ndlwini a ti hiketela khurisini hi canja gakwe, a nyoka yi mu luma.

Danieli 9:12

I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Ezekieli 14:21

Hakuva Hosi Jehova i ngalo: Nguvunguvu loku nzi rumela hi khati ginwe a mune wa zitsayiso za mina leʼzo biha hehla ka Jerusalema: ku nga supado, ni ndlala, ni zivanza, ni ntungu, a kuva zi hihirita a vanhu ni zihari? 2 Sam. 24:13; Kuv. 6:8

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Ezekieli 12:11

Wula uku: Nzi xikombiso ka nwina. Ku ta mahiwa ka vona khwatsi hilezi nzi mahileko; va ta rura vaya wukhumbini.

Ezekieli 33:27

U ta wula ka vona, uku: Hosi Jehova i ngalo: Nza hlambanya hi kuhanya ka mina, hizinene lava va akileko lomu marumbini va ta dawa hi supado, ni loye a nga lomu koveni nzi ta mu nyikela a khadamulwa hi zivanza, ni lava va nga lomu makhokholeni ni lomu timhakweni, va tafa hi ntungu.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.