Jeremia 14:9 - Tshwa Bible

⁹ Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 14:9 Referans Kwoze

Isaya 63:19

Makunu hi fanana ni vanhu lava cima u nga va fumelangiko, Khwatsi hi lava va nga vitwangiko hi vito ga wena.

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Jeremia 15:16

A timhaka ta wena nzi ti kumile, Ti lo maha kuga ka mina; Tona ti wa hi litsako ni kunengela ka mbilu ya mina, Hakuva nzi vitanwa hi vito ga wena. O Jehova Nungungulu wa tiyimpi.

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Mitsengo 11:23

Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Tisimu 27:9

U nga fihli a nghohe ya wena ka mina, U nga hlongoli a nanza ga wena hi zanga; Wena loyi u nga muvuneteli wa mina, u nga nzi hlongoli, hambu ku nzi tsika, Nungungulu wa kuhanyiswa ka mina.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.

Deuteronome 23:14

Hakuva Jehova Nungungulu wa wena wa fambafamba xikari ka wugovelo ga wena kasi ku ku ponisa ni ku nyikela valala va wena canjeni ga wena; hikwalaho a wugovelo ga wena gi fela ku tshama na gi basile; kasi Jehova a nga dzuki a wona a zilo zo biha ka wena, ku nga taku a suka ka wena.

Mitiro 15:17

Kasi a vanhu va seleko va fela ku lava Hosi, Ni vamatiko vontlhe lava va vitwako hi vito ga mina,

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Habakuka 1:2

Jehova, nzi ta rila kala rini, na wena u nga zizwi ke? Nza rila ka wena hi kota ya tihanyi ta vanhu, kanilezi a ku hanyisi!

Deuteronome 28:10

Zonake a matiko wontihe ya misava ma ta wona lezaku wena u vitanwa hi vito ga Jehova, va ta ku chava.

2 Kronekele 7:14

loku a vanhu va mina lava va khongelako hi vito ga mina va ti sola, ni loku va khongela hi ku hlota a vito ga mina, va fularela a tindlela tabye to biha, mina nzi ta vazwa na nzi hi tilweni, nzi va tsetselela zionho zabye, nzi holisa a tiko gabye.

Tisimu 10:1

Jehova, hikuyini u yimako kule? Hikuyini u fihlalako zikhatini za kuxaniseka?

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Mikosi 5:20

Hikuyini u hi rivalako kala ku pinzuka, U hi tsika xikhati xo leha ke?

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.