Jeremia 14:20 - Tshwa Bible

²⁰ Hina ha tiva a kubiha ka hina, O Jehova, Ni zigoho za vararu va hina; Hakuva hina hi ku onhele.

Jeremia 14:20 Referans Kwoze

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Joba 33:27

A yimbelela mahlweni ka vanhu, aku: Nzi onhile, nzi tshovile nongameto, Kambe a nzi bhinzulangi nchumu.

Nehemia 9:2

A pswalo wa ka Israeli wu lo ti hambanyisa ni vontlhe vamatiko, va yima va wulela zionho zabye, ni zihambunyeto za vararu vabye.

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Mikosi 1:20

Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Mikosi 3:42

Hi gohile hi ti alisa; Wena a ku hi tsetselelangi.

Mikosi 5:7

Vadadani va hina va onhile, makunu a va ha hi kona, Hi hina hi rweleko a zigoho zabye. Ekso. 20:5; Ezek. 18:2

Amosi 7:2

Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Danieli 9:15

Hosi, Nungungulu wa hina, loyi u humesileko a vanhu va wena tikweni ga Gipite hi canja ga wena ga ntamu, u ti mahela a wudumo kala ni nyamutlha lezi, hina hi Onhile, hi mahile kubiha.