Jeremia 14:19 - Tshwa Bible

¹⁹ Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 14:19 Referans Kwoze

Mikosi 5:22

Xana u hi tsikele magumo ke? Wa hi zangarela nguvu ke?

Jeremia 8:15

Hi wa lavelele kurula, kanilezi a ku tangi kusasa, Hi lavelele a xikhati xo chumiwa, kasi kuchava ku kona!

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Jeremia 6:30

Vona va ta wuliwa ku i siliva yi tsikilweko, hakuva Jehova i va tsikile.

Jeremia 30:13

A nga kona a ku yimelako, Ni ku alaha a xilonza xa wena, U hava muri wo chuma.

Jeremia 15:18

A kubayiseka ka mina ku simamisa hikuyini, Ni mbanga ya mina yi nga chumiwi, yi ala ku hola ke? Xana a ka mina u tava a hlowo yi khohlisako, Kutani a mati lawa ma pswhako ke?

Jeremia 12:8

A tshomba ya mina yi nzi vukela ku fanana ni nghala lomu khwatini; Yi nzi dzumela, hikwalaho nzi yi swirekele.

Tisimu 78:59

Laha Nungungulu a nga zizwa i lo zangara, A swireka nguvu hi vaIsraeli,

Joba 30:26

Laha na nzi rinzela kusasa, a kubiha ku lota ka mina; Ni laha nzi nga rinzela kuwonekela, ku lota munyama.

Mikosi 4:17

A mahlo ya hina ma rerekela mahala hi ku cuwukela ku kutani hi ta kuma kuvuniwa, Kurinzeleni ka hina hi rinzele a tiko legi gi nga zi kotiko ku hi hanyisa.

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Jeremia 7:29

Halula a misisi ya hloko ya wena, u yi cukunyeta, o Jerusalema, u ya maha nkosi le zitsungeni, hakuva Jehova i alile ni ku tsika a xizukulwana lexi xi vuxileko a zanga yakwe.

Tisimu 89:38

Kanilezi makunu u hoxile a totilweko wa wena, U mu tsikile, u mu zangarela.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Jeremia 12:7

Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

Mika 1:12

A muaki wa le Marote wa rinzela a kuhanyiswa hi lixuve la hombe, hakuva a khombo gisukile hi ka Jehova gi relela gi chikela nyangweni ya Jerusalema.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Jeremia 30:12

Hakuva Jehova i ngalo: A mbanga ya wena a yi chumeki, Ni khoro ga wena a gi holi.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Mikosi 2:22

U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.