Jeremia 12:15 - Tshwa Bible

¹⁵ Kanilezi anzhako ka kuva na nzi va tsuwule, nzi ta tlhela nzi va zwela wusiwana, nzi ta va tlhelisa munwe ni munwani a tshombeni yakwe, munwe ni munwani a tlhelela tikweni gakwe.

Jeremia 12:15 Referans Kwoze

Jeremia 49:6

Kanilezi anzhako ka xikhati nzi ta tlhelisela a vana va ka Amoni lava va nga le wukhumbini, ku wula Jehova. A xiprofeto ha Edome.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 49:39

Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Deuteronome 3:20

kala Jehova a nyika kuhumula ka vamakabye va nwina kota nwina, zonake vonawu va ta fumela a tiko legi Jehova Nungungulu wa nwina a va nyikileko le tlhatuko wa Jordani; zonake munwe ni munwani i ta tlhelela tshombeni yakwe leyi nzi mu nyikileko yona. Jox. 22:4

Mitsengo 32:18

Hina hi nga ta wuya leno tindlwini ta hina, a vanana va ka Israeli na va nga se enghena munwe ni munwani lomu tshombeni yabye;

Mitiro 15:16

Anzhako ka lezo nzi ta wuya, Nzi ta vuxeta a tabernakele ga Davida legi gi wileko; Nzi ta vuxeta a marumbi ya gona, Nzi gi yimisa. Isa. 54:1-5; Am. 9:11

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Jeremia 24:6

Nzi ta va langutela hi ku xalala, nzi ta tlhela nzi va wuyisa ka legi tiko. Nzi ta va akisa, nzi nga va wisi hasi; nzi ta va byala, nzi nga va tsuwuli.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Danieli 11:4

Loku a wumbelwe wuhosi, a mufumo wakwe wu ta tshobyiwa, wu avanyiselwa a mune wa matlhelo ya tilo; kanilezi wu nga nyikwi ka pswalo wakwe, ni ntamu wabye wu nga ta fana ni lowu a nga hi nawo yena; hakuva a mufumo wakwe wu ta tsuwulwa, wu avelwa vanwani va nga hiko va ka kabye.

Jeremia 16:15

kanilezi va taku: Jehova wa hanya, loyi a humesileko a vanana va ka Israeli hi le tikweni ga Nwalungu, ni le matikweni wontihe lawo a nga va hlongolele kona. Nzi ta va wuyisa kambe tikweni gabye legi nzi nga nyika vararu vabye.