Jeremia 12:13 - Tshwa Bible

¹³ Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Jeremia 12:13 Referans Kwoze

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Mika 6:15

U ta byala, kanilezi u nga ta tshovele; u ta kamela maoliva, kanilezi u nga ta tola mafura ya kona; u ta kamela mauva, kanilezi u nga tanwa a vinya ga kona. Deut. 28:30, 38; Zef. 1:13; Hag. 1:6

Deuteronome 28:38

U ta byala a mbewu yo tala le masinwini ya wena, kanilezi u ta tshovela zitsongwani, hakuva a humbi yi ta yi mbheta.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Habakuka 2:13

Kasi a hi Jehova wa tiyimpi a nge ngalo: A matiko ma tirela lezi zi ta nga hiswa hi nzilo, ni mifumo yi ti karatela mahala?

Jeremia 4:26

Nzi lo lunguza, languta, a tiko go nona gi wa hunzukile xiwula; Ni yontlhe a miti ya gona yi wa hahlulwe Mahlweni ka Jehova, ni mahlweni ka kuhisa ka zanga yakwe.

Va le Roma 6:21

Kanilezi mu wa bhinzula yini xikhatini lexo ke? Ntsena a zilo lezi mu nga ni tingana ha zona makunu! hakuva a magumeso ya zona hi kufa.

Levi 26:20

Mu ta xakela mahala a ntamu wa nwina, hakuva a misava ya nwina yi nga ta humesa a pfuno wa yona, ni tisinya ta lomu tikweni ti nga ta pswala mihanzu ya tona.

Jeremia 9:5

Vona vontlhe va kanganyisana, A va wulawuli zinene; Va gonzisile a tirimi tabye ku hemba mawunwa, Va ti karata hi ku maha kubiha.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Tisimu 78:62

A nyikela vanhu vakwe ka supado, A zangarela a tshomba yakwe.

Hosea 8:7

Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Hagai 1:9

Mu wa cuwukela zo tala, kanilezi mu kumile zitsongwani; ni laha mu nga zi neha kaya nzi lo zi buveta. Hikuyini, ku wula Jehova wa tiyimpi. Hi kota ya yindlu ya mina yi hahlukileko, laha a munwe ni munwani wa nwina a hatlisako ku aka a yindlu yakwe.