Jeremia 12:12 - Tshwa Bible

¹² A vahahluli va tile le zitsungeni zontlhe za xiwula, Hakuva a supado ya Jehova yi khadamula ku sukela magumo kala magumo manwani ya tiko; A ku na munhu ni munwe a tova ni kurula.

Jeremia 12:12 Referans Kwoze

Amosi 9:4

Hambu loku va yiswa wukhumbini hi valala vabye, kwaleyo nzi ta va rumela supado yi ya va daya. Nzi ta va langutela hi kubiha, na ku nga hi kusaseka.

Jeremia 47:6

Wena supado ya Jehova, u ta humula rini? Tlhelela kocelweni wa wena, humula u rutisa.

Ezekieli 14:17

Kutani loku nzi nga neha a supado hehla ka tiko lego, nziku: Supado gi ta tsemakanya a tiko, nzi hihirita vanhu ni zihari;

Isaya 34:6

A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Kuvululelwa 6:4

Ku lo huma ginwani haxi, go pswhuka; loyi a nga khilele hehla ka gona i lo hiwa ntamu a kuva a susa kurula misaveni, kasi va dayana; i lo nyikwa a supado ya hombe. Zak. 6:2

Zefania 2:12

Na nwina maEtiopia kambe mu ta hlaselwa hi supado ya mina.

Ezekieli 5:2

U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.

Jeremia 48:2

A wudumo ga Moabi a ga ha hi kona; Le Hexboni va mu bohele xikungo, vaku: Tanani, hi ta mu lovisa kasi a ngavi tiko. Na wena Madmeni u ta dawa, A supado yi ta ku lanzela.

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Jeremia 15:2

Loku va ku wutisa, vaku: Xana hi taya kwihi ke? U ta va hlamula, uku: Jehova i ngalo: Lava va yimiselweko kufa, va taya kufeni; lava va yimiselweko supado, va taya supadweni: lava va yimiselweko ndlala, va taya ndlaleni; ni lava va yimiselweko a wukhumbi, va taya wukhumbini.

Jeremia 3:2

Tlakusa mahlo ya wena migangeni Hi kwihi laha wena u nga etleliwiko kona ke? U tshamele vona le tindleleni, a ku fanana ni muArabia le xiwuleni, U nyenyezisile tiko hi wubhayi ga wena ni kubiha ka wena. Gen. 38:14

Isaya 57:21

A vakubiha a va na kurula, Ku wula Jehova.

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Deuteronome 32:42

Nzi ta nwisa tigalala ta mina hi nkhata, Ni tlhari ga mina gi ta xura hi nyama, Hi nkhata wa lava va tlhabyilweko ni wa va khomilweko, Ni tihloko ta tihosi ta valala.

Jeremia 3:21

Lomu migangeni ku zwakala a gezu ga zirilo ni kutsikwila ka vana va ka Israeli; Hakuva vona va bihisile tindlela tabye, Va rivele Jehova, a Nungungulu wabye.

Jeremia 4:27

Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

Jeremia 16:5

Hakuva Jehova i ngalo: U nga engheni ndlwini ya zirilo, u ngayi kona ku hlaluka navo, hambu ku va xanisekela; hakuva nzi susile a kurula ka mina tikweni legi, ku wula Jehova, ina, ni tipswalo ni wuxinji.

Jeremia 25:11

Gontlhe legi tiko gi tava marumbi ni xirewukiso; ni matiko laya ma ta tirela a hesi ya Babuloni a 70 wa malembe.

Jeremia 30:5

Jehova i ngalo: Hi zwile a gezu ga kururumela, A kuchava ku kona, kurula ku hava.

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Mikosi 3:17

A muhefemulo wa mina u wu tsonile kurula, A litsako a nza ha ti tivi.

Ezekieli 21:4

Kota lezi nzi ta nga hihirita a valulamileko ni vakubiha lava va nga ka wena, a supado ya mina yi ta huma kocelweni wa yona, yi vukela vontlhe kusukela Dzongeni kala Nwalungu.

Ezekieli 21:28

Wena nʼwana wa munhu, profeta uku: Hosi Jehova wa wulawula xungetano ni vana va ka Amoni, ni xungetano ni xiruko zabye. Wula uku: A supado, a supado yi hlomulwe, yi kutlilwe kasi ku hihirita, kasi ya kwezima.

Jeremia 8:15

Hi wa lavelele kurula, kanilezi a ku tangi kusasa, Hi lavelele a xikhati xo chumiwa, kasi kuchava ku kona!

Ezekieli 21:8

A gezu ga Jehova gi lota ka mina, giku:

Ezekieli 21:9

Nʼwana wa munhu, profeta uku: Jehova i ngalo: Hi leyo supado, a supado yi lotilwe, kambe yi kutlilwe!