Jeremia 1:2 - Tshwa Bible

² A mhaka ya Jehova yi tile kakwe a masikwini ya Josia, a nʼwana Amoni, a hosi ya ka Juda, hi lembe ga wukhume ni manharu ga kufuma kakwe. 2 Tih. 23:34; 24:17; 25:8, 11

Jeremia 1:2 Referans Kwoze

Mika 1:1

A mhaka ya Jehova leyi yi tileko ka Mika wa le Moraxte, masikwini ya Jotamu, na Ahazi, na Hezekia, a tihosi ta ka Juda, leyi a nga nyikwa xungetano na Samaria na Jerusalema.

Jona 1:1

A mhaka ya Jehova yi lota ka Jona nʼwana Amittai, yiku:

Hosea 1:1

A mhaka ya Jehova yi tileko ka Hosea a nʼwana Beeri, masikwini ya Uzzia na Jotamu na Ahazi na Hezekia, a tihosi ta ka Juda, ni masikwini ya Jeroboamu nʼwana Joaxi, a hosi ya ka Israeli.

Jeremia 1:11

A mhaka ya Jehova yi lota ka mina, yiku: Jeremia, u wona yini ke? Nzi lo hlamula, nziku: Nzi wona a ravi ga sinya ya almonde.

Jeremia 1:4

A mhaka ya Jehova yi lota ka mina, yiku:

1 Tihosi 13:20

Makunu laha va nga wa tshamile laha mezeni, a gezu ga Jehova gi lota ka muprofeti loyi a mu tlhelisileko.

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Jeremia 25:3

A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.

2 Tihosi 21:24

Kanilezi a vanhu va tiko va lo daya vontlhe lava va nga vukela hosi Amoni, va yimisa nʼwana wakwe Josia a ku fuma xikhundleni xakwe.

1 Tihosi 13:2

Yena i loba huwa mahlweni ka alati hi gezu ga Jehova, aku: Alati, alati! Jehova i ngalo: Languta, ku ta belekiwa a nisanyana lomu ndlwini ka Davida, a vito gakwe hi Josia. Yena i ta phahlela hehla ka wena hi vapristi va legi wutshamu gi tlakukileko, lava va hisako libani hehla ka wena, ku ta hiswa ni marambu ya vanhu hehla ka wena!

2 Tihosi 21:18

Manasa i lo etlela zinwe ni vararu vakwe, a lahliwa lomu sinwini ga yindlu yakwe, a sinwini ga Uza; zonake a nʼwana wakwe Amoni i lo fuma xikhundleni xakwe. Amoni a fumela Juda.

2 Tihosi 22:3

Hi lembe ga wu 18 ga kufuma ka hosi Josia, a hosi yi lo ruma Xafani a mutsali, a nʼwana wa Azalia wa Mexulamu a kuya lomu ndlwini ya Jehova aku kakwe:

Jeremia 3:6

Jehova i lo wula ka mina masikwini ya hosi Josia, aku: Xana u wonile lezi Israeli a wasati loyi a hambukileko a nga zi maha ke? Yena i kanzihile a zitsunga zontlhe zi tlakukileko, ni hasi ka tontlhe tisinya to nyuka, kwalomo i na si hutsetse wubhayini. 2 Tih. 17:10

Jeremia 28:12

Zonake a mhaka ya Jehova yi lota ka Jeremia, anzhako kakuva muprofeti Hanania a tshoveletele a muyoko nhanwini ya muprofeti Jeremia, yiku:

Joeli 1:1

A mhaka ya Jehova yi tileko ka Joeli a nʼwana Petueli.

Zefania 1:1

Leyi hi mhaka ya Jehova yi ngata ka Zefania a nʼwana Kuxi wa Gedalia, wa Amaria, wa Hezekia, masikwini ya Josia nʼwana Amoni, a hosi ya ka Juda.