Jakobe 3:1 - Tshwa Bible

¹ Vamakabye va mina, a linyingi la nwina ngha mu nga xuvi a kuva vagonzisi, na mu tiva lezaku hina lava hi nga vagonzisi hi ta amukela a kulamulwa ka hombe. Mat. 23:8

Jakobe 3:1 Referans Kwoze

1 Timote 1:7

va ranza a kuva vagonzisi va nayo, hambu lezi va nga zi pimiko lezi va zi wulawulako, ni lezi va tiyisako nguvu ha zona.

1 Pedro 5:3

na ku nga hi ku khwatsi mu tihosi hehla ka zipanze lezi mu avelweko zona, kanilezi mu maha zikombiso ka ntlhambi. Mat. 20:25; Fil. 3:17

1 Va le Korinte 12:28

Nungungulu i yimisile vanhu lomu bandleni, kuranga a ku maha vapostoli, ku gamela vaprofeti, a ka wunharu vagonzisi; zonake a vanwani vatiri va zihlamaliso, ni vanwani va nga ni zinyikiwo za ku hanyisa vababyi, ni va ku hlayisa zisiwana, ni vaangameli, ni lava va wulawulako tirimi ti tsalangeneko. Mitse. 11:17; Miti. 13:1; Efe. 4:11; 2:20

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

1 Timote 2:7

legi nzi nga yimiswa a kuva mukaneli ni mupostoli wa gona (nzi wula zinene, a nzi hembi wunwa), a kuva mugonzisi wa vamatiko hi kukholwa ni zinene.

Va le Efesusi 4:11

I lo nyika vanwani a kuva vapostoli, ni vanwani a kuva vaprofeti, ni vanwani a kuva vavangeli, ni vanwani a kuva varisi ni vagonzisi, 1 Kor. 12:28; Xip. 2:20

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

Luka 16:2

Yena i lo yi vitana, aku ka yona: Zini lezi nzi zi zwako ha wena ke? Hlawutela a mahungu ya wunekwa ga wena, hakuva a zi koteki a kuva u hi nekwa kambe.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

2 Timote 1:11

leyi nzi nga yimiswa a kuva mukaneli ni mupostoli ni mugonzisi wa yona.

Johani 3:10

Jesu i lo hlamula, aku kakwe: Wena u mugonzisi wa Israeli, na u nga pimi a timhaka leti ke?

Mateu 10:24

Mupizani a nga hunzi mugonzisi wakwe, ni nanza a gi hunzi a hosi ya gona.

Luka 6:37

Mu nga lamuli, na nwina mu nga ta lamuliwa; mu nga koni, na nwina mu nga ta koniwa; tsetselelani, na nwina mu ta tsetselelwa. Mat. 7:1

Mateu 9:11

Laha vaFarisi va nga zi wona, vaku ka vapizani vakwe: Hikuyini a mugonzisi wa nwina a gako ni vahlengisi ni vaonhi ke? Xip. 11:19; Lu. 5:30; Gal. 2:15

Malaki 2:12

A munhu loyi a mahako lezo, Jehova i ta fuvisa vontlhe lava va ka kabye, a mu humesa tendeni ga Jakobe, zinwe ni loyi a nehako munyikelo ka Jehova wa tiyimpi.

Mitiro 13:1

Ku wa hi kona a vaprofeti ni vagonzisi lomu bandleni ga le Antiokia, va nga Barnabasi, na Simeoni loyi a nga vitwa Nigeri, na Lukio wa le Kirene, na Manaen loyi a nga wundliwa zinwe ni hosi Herodi, na Saule. Xip. 14:26; 11:22

Jakobe 1:16

Mu nga ti kanganyisi, vamakabye va mina va ranzekako.

Jakobe 1:19

Nwina ma zi tiva lezi vamakabye va mina va ranzekako. Kanilezi ngha munwe ni munwani a hatlisa kuzwa, a nonoka ku wulawulela nonoka ku zangara; Mav. 16:32; Kutsa. 5:1, 2

Jakobe 3:10

Ku huma hi ka nomu walowo wa munwe a kukhesa ni kurukatela. Vamakabye va mina, a zi faneli a kuva lezi zilo zi hi nghaho.

Mateu 23:14

Khombo a give ka nwina vatsali ni vaFarisi, nwina vaxengeteli! Hakuva mu phanga tiyindlu ta tinoni, na mu kari mu khohlisa hi ku maha mikhongelo yo leha; mu ta amukela a kukoneka ka hombe.