Jakobe 2:19 - Tshwa Bible

¹⁹ Wa kholwa lezaku Nungungulu munwe, hizona lezo; a madimoni na wonawu ma kholwa ma rurumela. Mat. 8:29; Miti. 19:15

Jakobe 2:19 Referans Kwoze

Luka 4:34

Hiye! I mhaka muni hi nga nayo na wena, wena Jesu wa le Nazareta ke? U tele ku ta hi lovisa ke? Nza ku tiva lezaku hi wena mani, u Loyi wa ku Basa wa Nungungulu. Xip. 1:35

Marku 1:24

aku: I mhaka muni hi nga nayo na wena, wena Jesu wa le Nazareta; u tele ku ta hi lovisa ke? Nza ku tiva lezaku hi wena mani, u Loyi wa kubasa wa Nungungulu. Mat. 8:29

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Mitiro 16:17

Yena i lo lanzela Paule na hina, a kanyuluka aku: A vavanuna lava malanza ya Nungungulu a nga Hehlahehla, lava va bako hungu ka nwina hi ndlela ya kuhanyiswa.

Deuteronome 6:4

Ingisa, Israeli! Jehova Nungungulu wa hina i Jehova munwe. Mar. 12:29; 1 Kor. 8:4; Gal. 3:20

Va le Galatia 3:20

Makunu a mutlhanganyisi a hi mutlhanganyisi wa munwe ntsena. Kanilezi Nungungulu munwe. Rom. 3:29

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Mitiro 19:15

A moya wa kubiha wu lo hlamula wuku ngalo kabye: Jesu nza mu tiva, na Paule nza mu tiva; kanilezi nwina hi nwina vamani ke?

Marku 5:7

na aba huwa hi gezu ga hombe, aku: Xana i mhaka muni u nga nayo na mina, wena Jesu, Nʼwana wa Nungungulu loyi a nga Hehla-hehla? Nza ku hlambanyisa hi Nungungulu, u nga nzi xanisi.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 43:10

Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

1 Timote 2:5

Hakuva ku kona Nungungulu munwe ntsena, kambe ni mutlhanganyisi munwe xikari ka Nungungulu ni vanhu, Kristu Jesu a nga munhu a wutsumbu gakwe. Gal. 3:20; Maheb. 9:15

Marku 12:29

Jesu i lo hlamula, aku: A nayo wa kuranga hi lowu wu nge ngalo: Ingisa, Israeli! A Hosi Nungungulu wa wena i Hosi yinwe. Deut. 6:4; Lu. 10:27

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Isaya 45:6

Kasi va fela ku zi tiva kusukela Mutsuwuka-gambo kala Muhlwa-gambo Lezaku a ku na munwani a handle ka mina; Lezaku nzi Jehova, a nga kona munwani.

Va le Roma 3:30

kota lezi a nga Nungungulu munwe, loyi a ta nga hlayela kululama a zitshiva hi kota ya kukholwa, ni lavava makhuna hi kona kukholwa.

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Juda 1:6

Ni tingelosi leti ti nga kala ku gonga a wuhosi ga tona, ti siya kaya ka tona, yena i ti hlayisile makhotsweni ya pinzukelwa ya munyama kala sikwini ga hombe ga kulamulwa. 2 Ped. 2:4; Kuv. 20:10

Jakobe 2:8

Kanilezi mu maha khwatsi loku mu tatisa a nayo wa wuhosi, kota lezi Mitsalo yi nge ngalo: U ta ranza wakelene na wena kota lezi u ti ranzako wena. Levi 19:18; Mat. 22:39

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Marku 7:9

A engeta aku: Mu ala a kulaya ka Nungungulu, kasi ma fela ku gonga mahanyela ya nwina.

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Jona 4:4

Jehova aku: Xana zi ku sasekele a ku zangara ke?

Jona 4:9

Zonake Nungungulu aku ka Jona: Xana zi ku sasekele a ku zangarela a khungu ke? Yena aku: Ina, nzi maha khwatsi hi ku zangara ni ku kala nzifa.