Jakobe 1:25 - Tshwa Bible

²⁵ Kanilezi loyi a cuwukako nayweni wu mbheleleko, lowu wa kutlhatlheka, a nonohisa ka wona, na a nga hi muzwi a rivalako, kanilezi na hi loyi a tirako, a munhu loyi i ta katekiswa kumaheni kakwe; Joh. 13:17; 2 Kor. 3:18

Jakobe 1:25 Referans Kwoze

Luka 11:28

Kanilezi Jesu aku ngalo: Ina, ku katekile nguvunguvu lava va zwako a mhaka ya Nungungulu, va yi hlayisa. Mat. 7:21; Xip. 8:21; Jak. 1:25

Johani 13:17

Loku mu tiva a timhaka leti, mu katekile loku mu ti maha. Jak. 1:25

1 Pedro 2:16

Nwina mu tlhatlhekile, kanilezi ngha kutlhatlheka ka nwina ku nga mahi a xifenengelo xa mitiro ya kubiha, kanilezi mahani malanza ya Nungungulu.

Jakobe 2:12

Wulawuleni, mu maha kota zi faneleko vanhu lava va ta nga lamulwa hi nayo wa kutlhatlheka.

Va le Galatia 5:1

Kristu i lo hi tlhatlhisa lezaku hiva va tlhatlhekileko. Hikwalaho yimani mu ku nde, mu nga khungwi kambe pingwini ga wukhumbi. Joh. 8:32; Miti. 15:10

1 Va le Korinte 15:58

Hikwalaho vamakabye va mina va ranzekako, tiyani muku ndende, mu nga tsekatseki, kanilezi mu anza mitirweni ya Hosi xontlhe xikhati, na mu tiva lezaku a ntiro wa nwina a hi wa ipahala Hosini. 2 Kro. 15:7; 2 Ped. 3:14

1 Timote 4:16

Ti wonele wutsumbu ga wena, ni kugonziseni ka wena; nonohisa ka zona, hakuva hi ku maha lezo u ta hanyisa wutsumbu ga wena, ni lava va ku zwako kambe. Ezek. 33:9

2 Va le Korinte 13:5

Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10

Va le Roma 11:22

Langutani a wunene ga Nungungulu ni mona wakwe: a mona ka lava va ngawa, kanilezi a wunene ga Nungungulu ka wena, loku u simamisa wuneneni gakwe; loku zi nge nghaho wenawu u ta tsemiwa. Joh. 15:2; 1 Kor. 15:2; Maheb. 3:6

Mavingu 14:15

A xipumbu xi vumelela timhaka tontlhe; anilezi loyi a tlharihileko wa cuwukisisa laha a fambako ha kona.

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

Va le Galatia 2:4

Nzi lo maha lezo hi kota ya vamakabye va mawunwa lava va nga enghenile bandleni hi ku nyanimela, kasi ku ta kamba a kutlhatlheka ka hina loku hi nga nako ka Kristu Jesu, lezaku va fela ku hi enghenisa wukhumbini. Xip. 3:25; 4:3, 9

Johani 8:36

Hikwalaho loku Nʼwana a mu tlhatlhisa, mu tava mu tlhatlhekile futsi. Rom. 8:2; Gal. 5:1

Tisimu 106:3

Va katekile, lava va hlayisako nongameto, Lava va mahako kululama xontlhe xikhati.

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10

1 Timote 2:15

Hambu zi hi lezo, yena i ta hanyiswa hi ku beleka vanana, loku a simamisa kukholweni ni liranzweni ni kubasisweni, zinwe ni kutikhoma.

Va le Roma 7:12

Lezoke a nayo wu basile, ni kulaya ku basile, ku lulamile ni kusaseka, Tis. 19:8; 1 Tim. 1:8

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

Mitiro 13:43

Laha a hlengeletano yi nga wa hangalakile, a linyingi la vaJuda ni vaproselita va chavako Nungungulu, va lo lanzela Paule na Barnabasi, lava va nga wulawula kabye, va va khongotela lezaku va namarela tipswalweni ta Nungungulu. Xip. 11:23; Tit. 2:11; 1 Ped. 5:12

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Mitiro 2:42

Vona va lo pinyamela kugonziseni ka vapostoli, ni le kutlhanganeni, ni kukhemeni ka xibaba, ni mikhogelweni. Maheb. 10:25

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Tisimu 119:45

Nzi ta famba wutshanwini gi anamileko, Hakuva nzi hleleketa a zileletelo za wena.

Tisimu 119:32

Nzi ta tsutsuma ndleleni ya zileletelo za wena, Laha wena u anamisako a mbilu ya mina.

1 Samueli 12:14

Loku nwina mu chava Jehova, ni loku mu mu khozela, mu ingisa a gezu gakwe, mu nga ali zileletelo za Jehova, nwina ni hosi ya nwina leyi yi mu fumelako, mu ta maha valanzeli va Jehova Nungungulu wa nwina.

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

1 Johani 2:24

Lezi mu nga zizwa hi kusanguleni a zi tshame ka nwina. Loku zi tshama ka nwina lezi mu nga zizwa hi kusanguleni, nwinawu mu ta tshama ka Nʼwana ni ka Dadani. Joh. 14:23; 2 Joh. 6

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.

Va le Roma 2:13

Hakuva a hi vazwi va nayo va nga lulamile mahlweni ka Nungungulu, kanilezi hi vamahi va nayo va ta nga hlayelwa kululama. Jak. 1:22

Va le Roma 8:2

Hakuva a nayo wa Moya wa kuhanya loku ka Kristu Jesu wu nzi tlhatlhisile nayweni wa kuonha ni wa kufa. Joh. 8:36; 1 Kor. 15:45; Gal. 2:19

Va le Galatia 6:2

Rwalelanani minzhwalo; lezo mu tatisa a nayo wa Kristu. Joh. 13:14; Rom. 15:1