Jakobe 1:14 - Tshwa Bible

¹⁴ Kanilezi munwe ni munwani i ringwa hi kunavela kakwe ntsena, a kokiwa ni ku xengwa.

Jakobe 1:14 Referans Kwoze

Va le Efesusi 4:22

Xungetano ni mahanyela ya nwina ya kale mu yimelwe hi ku ti tlhatlha ka munhu wa kale, loyi a onhekako hi kunavela ka kukhohlisa;

Mateu 15:18

Kanilezi lezi zi humako nonwini zita hi le mbilwini: hi zona zi bihisako munhu. Jak. 3:6

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Va le Roma 7:13

Xana lezi zi sasekileko zi nzi vangele kufa ke? Kokwihi! Kanilezi hi kuonha ku nzi vangeleko kufa hi lezi zi sasekileko, kasi ku fela ku wonekeliswa lezaku kuonha; lezaku a kuonha ku fela ku hunzisa ku biha hi kota ya kulaya.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Va le Roma 7:11

Hakuva a kuonha na ku kumile xikhati hi kota ya kulaya, ku lo nzi kanganyisa ku nzi daya ha kona.

Joba 31:27

Kasi a mbilu ya mina yi xengiwa ha zona xihundleni, Kutani a canja ga mina gi khomile a nomu wa mina hi ku zi khesa;

Joba 31:9

Loku a mbilu ya mina yi khohlisilwe hi wasati, Lezaku nzi xiyamele livatini la muakelane wa mina,

Mateu 15:20

Hi zona lezi zi bihisako munhu; kanilezi a kuga hi mandla ma nga hlaziwangiko a zi bihisi munhu.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Hosea 13:9

A kulobyiswa ka wena Israeli, kuta hilezi u nzi vukeleko, mina loyi nzi nga muvuni wa wena.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

2 Samueli 11:4

Davida i lo rumela a mitsumi a ku ya mu teka; i lota kakwe a ta etlela naye; hakuva i wa ti basisile kungahlazekeni kakwe. Zonake i lo tlhela aya ndlwini yakwe. Levi 15:19

Mateu 4:1

Zonake Jesu i lo yiswa hi Moya xiwuleni, lezaku kasi a ya ringwa hi Satani. Mar. 1:12; Lu. 4:1; Miti. 8:39

Jakobe 1:13

Loku munhu a ringwa ngha a nga wuli, aku: Nzi ringwa hi Nungungulu; hakuva Nungungulu a nga zi koti ku ringwa hi kubiha, yena wutsumbu a nga na ku ringa munhu.

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21