Isaya 9:16 - Tshwa Bible

¹⁶ Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Isaya 9:16 Referans Kwoze

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Isaya 3:12

A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

Maheberu 7:7

Makunu a ku na ku kanetwa lezaku loyi tsongwani i katekiswa hi loyi wa hombe.

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Isaya 19:14

Jehova i va chelile a moya wa sululwani, Va mahile Gipite gi dedereka mitirweni ya gona yontlhe, Khwatsi hi munhu a popilweko a dederekako kuhlateni kakwe.

Jeremia 23:13

Nzi wonile zo nyenyeza ni ka vaprofeti va Samaria; Va lo profeta vitweni ga Baali, Va hambukisa a vanhu va mina va Israeli.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Mika 3:5

I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 9:4

Ti woneleni nwentlhe hi kota ya vaakelwani, Mu nga tsumbi vanakuloni; Hakuva vamakabye vontlhe va ringa ku kanganyisa, Ni muakelwani munwe ni munwani mbo lumbetana. Mika 7:5; Mat. 10:35

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.