Isaya 8:17 - Tshwa Bible

¹⁷ Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Isaya 8:17 Referans Kwoze

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Tisimu 33:20

A mihefemulo ya hina yi langutele Jehova; Hi yena muvuni wa hina ni xitlhangu xa hina. Deut. 33:29

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

Tisimu 27:14

Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Isaya 59:2

Kanilezi hi zigoho za nwina zi mu hambanyisileko ni Nungungulu wa nwina, Ni zionho za nwina za mu fihlela a nghohe yakwe, laha kaku a nga zi koti ku muzwa.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Mika 3:4

Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Deuteronome 32:20

Aku: Mina nzi ta va fihlela a nghohe ya mina, Nza nga wona lezi zi to humelela, Hakuva lixaka la ku gombonyeka, I vanana va nga tsumbekiko.

2 Va le Tesalonika 3:5

Ngha Hosi yi yisa a timbilu ta nwina liranzweni la Nungungulu, ni le kuhoniseleni ka Kristu. 1 Kro. 29:18; Mat. 22:37; 1 Joh. 4:16

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Tisimu 39:7

Makunu, Hosi, nza ha rinzela yi ni ke? A kutsumba ka mina ku le ka wena.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Tisimu 130:5

Nza rinzela Jehova, muhefemulo wa mina wu rinzele; Nza tsumba mhaka yakwe.

Genesisi 49:18

Jehova, nzi cuwukele ku tirulwa hi wena!

Luka 2:38

Na ata hi xwalexo xikhati, i lo bonga Nungungulu, a wulawula hi nwanana ka vontlhe lava va nga cuwukela a kutirulwa ka Jerusalema.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Isaya 33:2

Jehova, ngha u hi ni wuxinji ka hina! Hi ku langutele. Ngha uva muvuni wa hina ka siku ginwe ni ginwani; Ni muhanyisi wa hina zikhatini za zikarato.

Tisimu 40:1

Nzi rinzele hi lihlaza-mbilu ka Jehova, Yena i kangatele ndleve ka mina, azwa kurila ka mina.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Maheberu 2:13

Ni kambe: Nzi ta mu tsumba yena. Ni kambe: Hi mina loyi, ni vana lava Nungungulu a nzi nyikileko vona. Tis. 18:2; Isa. 8:18; Joh. 10:29

Joba 13:24

Hikuyini u fihlako nghohe ya wena, U nzi maha nala wa wena ke?

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 45:15

Hizinene u Nungungulu loyi a ti fihlako, O Nungungulu wa ka Israeli, u Muhanyisi.

Jeremia 33:5

Va enghena ka tona kasi kulwa ni maKaldea, kanilezi ti ta tala ni zirumbi za vanhu lava nzi va dayako a zangeni ya mina, ni xiviti xa mina, lava nzi fihleleko muti lowu a nghohe ya mina hi kota ya kubiha kabye.

Joba 14:14

Loku ku wo khwatsi a munhu a fileko wa tlhela a hanya kambe, Xikhatini xa mina xontlhe xi yimisilweko nzi wa ta rinzela, Kala kuta a kutlhatlhiswa ka mina.

Joba 35:14

Hambu loku u wula lezaku a ku mu woni, A mhaka yi le mahlweni kakwe, mu rinzele.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.