Isaya 7:13 - Tshwa Bible

¹³ Isaya aku: Ingisani makunu, nwina va yindlu ya ka Davida: Kasi xilo xitsongwani loku mu karata vanhu, ko kala mu karata na Nungungulu wa mina ke?

Isaya 7:13 Referans Kwoze

Isaya 43:24

A ku nzi xavelangi a lihlanga la ku nuhela, A ku nzi xurisangi hi mafura ya timhamba ta wena; Kanilezi u nzi xanisile hi zionho za wena, U nzi karata hi zigoho za wena.

Malaki 2:17

Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?

Ezekieli 34:18

Xilo xi tsongwani ka nwina a kuga wuriselweni gi nene, mu tlhela mu kanzihela hi mikonzo ya nwina a misalela ya wuriselo ga nwina ke? Ni kunwa a mati ma tengileko, mu tlhela mu vindlusa a misalela hi mikonzo ya nwina ke?

Ezekieli 16:47

A ku fambangi tindleleni tabye ntsena, a ku mahangi manyalataniso yabye woce, zi wa nga ku ringanangi; u va hunzile kubiheni mahanyeleni ya wena wontihe.

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Isaya 7:2

Zonake a yindlu ya ka Davida yi byeliwa lezaku: Siria i govile le ka Efraime, zonake a mbilu ya Ahazi ni timbilu ta vanhu vakwe ti lo rurumela, khwatsi a tisinya ta khwati ti tsekatsekiswako hi mheho.

Maheberu 3:10

Hikwalaho nzi wa zangarele lexo xizukulwana, Nziku: Vona va lahleka xontlhe xikhati timbilwini tabye. Kanilezi a va tivangi a tindlela ta mina.

Amosi 3:13

Zwanani, mu kustumunya mu vukela a yindlu ya ka Jakobe, ku wula Hosi Jehova, a Nungungulu wa tiyimpi.

Ezekieli 16:20

Tlhatakumbiri, u tekile a vafana ni vanhanyana lava u nga nzi belekela, u phahlela ba vona lezaku va giwa ha zona. Kasi a wubhayi ga wena gi wa nga ringani, 2 Tih. 16:3; Jer. 7:31

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

2 Kronekele 21:7

Hambu lezo Jehova a nga ranzangi ku lovisa a yindlu ya Davida, hi kota ya xivumelwano lexi a xi mahileko naye, ni mhaka leyi a nga yi wula aku i ta mu nyika, yena ni vanana vakwe, a kandiya kala kupinzuka.

Mitsengo 16:13

Kasi xilo xitsongwani lezi u hi humesileko tikweni legi gi khulungako a masi ni wulombe, u hi daya lomu xiwuleni, u engeta u ti maha hosi hehla ka hina ke?

Mitsengo 16:9

kasi xilo xitsongwani ka nwina, lezi Nungungulu wa ka Israeli a mu hlawulileko ka tlhangano wa va ka Israeli, a mu tshineta kusuhani ka yena kasi mu tira a ntiro wa yindlu ya Jehova, ni lezaku mu yima mahlweni ka tlhangano mu wu wulawulela ke?

Genesisi 30:15

Yena i te ngalo kakwe: Kasi xilo xi tsongwani lezi u nzi tekeleko nuna wa mina ke? U lava ku nzi tekela ni mandragora ya nʼwana wa mina ke? Rakeli i te ngalo kakwe: Jakobe i ta etlela na wena legi wusiku hi kota ya mandragora lawo ma nga wuya ni nʼwana wa wena.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Tisimu 45:5

A miseve ya wena ya kariha, A matiko ma ta wela lahasi ka wena, Yi tlhava timbilwini ta valala va hosi.

Isaya 1:14

A muhefemulo wa mina wa venga a mibuzo ya nwina ya hweti yiswa ni mibuzo ya hombe; za nzi tikela, nzi karele hi ku zi rwala.

Isaya 7:12

Kanilezi Ahazi i te ngalo: Nzi nga ta kombela nchumu, a nzi lavi ku ringa Jehova.

Isaya 22:22

Nzi ta mu nyika a pfhungulo ya yindlu ya ka Davida; i ta vulula, ku nga vali munhu; i ta vala, ku nga vululi munhu. Kuv. 3:7

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39