Isaya 66:16 - Tshwa Bible

¹⁶ Hakuva Jehova i ta lamula hi nzilo, A tsayisa a nyama yontlhe hi supado yakwe; Lava Jehova a ta nga va daya va tava vanyingi. Kuv. 19:20

Isaya 66:16 Referans Kwoze

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Isaya 3:13

Jehova i vukile kasi ku wulawula, i yimile kasi ku lamula matiko.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 31:8

Zonake Assiria i ta wiswa hi supado leʼyi nga hiko ya munhu; ni supado leʼyi nga hiko ya vanhu yi ta mu lovisa. I ta tsutsuma mahlweni ka supado, ni majaha yakwe ma ta mahiwa tikhumbi.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Jeremia 25:31

A guwa gi ta zwala kala magumelweni ya misava; Hakuva Jehova i ni zunga ni matiko, I ta lamula nyama yontlhe; I ta nyikela a vabihileko ka supado, ku wula Jehova.

Jeremia 25:33

Lava va delweko hi Jehova va ta mbambamela misaveni kusukela mbhirini kala ka yinwani mbhiri ya misava; va nga ta rilelwa, hambu ku hlengeletiwa, hambu ku lahliwa, va te maha koho misaveni.

Jeremia 45:5

Xana u ti lavela a zilo za hombe ke? U nga zi lavi, hakuva nzi ta neha makhombo hehla ka nyama yontlhe, ku wula Jehova. Kanilezi a wutomi ga wena nzi ta ku nyika giku khwatsi muphango matshanwini wontihe lawa u ta ngaya ka wona.

Jeremia 46:15

Hikuyini a tinhenha ta wena ti wadamiswako ke? A ti na nga yima, hakuva Jehova i ti papaxile.

Ezekieli 5:15

U tava a xiruko ni kutseketsela, a xiwonelo ni xihlamaliso ka matiko lawa ma ku ranzeleko; laha nzi ta nga ku lamula hi zanga ni khulo, nzi ku kawuka hi xiviti. Nzi mina Jehova nzi wulako lezo.

Ezekieli 38:17

Hosi Jehova i ngalo: Hi wena loyi nzi nga wulawula ha yena kaleloko hi malanza ya mina a vaprofeti va ka Israeli, lava a xikhatini lexo va nga profeta malembe yo tala, lezaku nzi ta ku ruma u va vukela ke? Joeli 3:1; Mika 4:11; Zef. 3:8

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Amosi 7:4

Hosi Jehova i nzi kombisile lezi: Nzi lo wona Hosi Jehova na a vitana a nzilo kasi ku ta tsayisa ha wona. Wu lo hisa a mati ya kueta, wu sangula ku hisa a tiko ga xiavelo.

Nahume 3:3

Hi nga wonani a mahaxi ma tsutsumiswako hi vakhileli va wona, ni tisupado ti phatimako, ni matlhari ma kwezimako, ni wunyingi ga lava va delweko, tinhulu ta zirumbi. A zirumbi a zi mbheli, va khunguvanyeka hi zirumbi zabye!

Nahume 3:15

Laho a nzilo wu ta ku hisa, a supado yi ku lovisa, yi ta ku lovisa ku fanana ni zidodwani, hambu loku u tele kukotisa zidodwani, u anza kukotisa humbi.

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Isaya 34:2

Hakuva Jehova i zangarele wontlhe matiko, A khulo gakwe gi le hehla ka tiyimpi tontlhe ta wona; I va mbhetisile, i va nyikele kudaweni.

Ezekieli 28:18

U nyenyezisile a tiyindlu ta wena to basa hi kubiha kunyingi ka mabhinzu ya wena; hikwalaho nzi ku vangele a nzilo xikari ka wena, u hiswa ha wona, u hunzuka a tala ga khuma laha misaveni a mahlweni ka vontlhe lava va ku wonako. Vala. 9:20; Ezek. 19:14