Isaya 65:9 - Tshwa Bible

⁹ Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Isaya 65:9 Referans Kwoze

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Va le Roma 11:28

Hi tlhelo ga ivangeli mbalala va Nungungulu hi kota ya nwina; kanilezi hi tlhelo ga kuhlawulwa, varanziwa hi kota ya vakokwani. Deut. 9:5

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Ezekieli 36:24

Nzi ta mu humesa lomu xikari ka matiko, nzi mu tsombanyisa hi le matikweni wontihe, nzi mu yisa tikweni ga nwina.

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Isaya 32:18

Zonake a vanhu va mina va ta tshama tikweni ga kurula, Lomu tindlwini ti tsumbekileko, Ni matshanwini ya ku humula hi kurula.

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 45:25

A ka Jehova vontlhe a vana va ka Israeli va ta hlayelwa kululama, Va ti kulisa ha yena.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 57:13

Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13