Isaya 63:9 - Tshwa Bible

⁹ Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Isaya 63:9 Referans Kwoze

Eksodusi 33:14

Jehova aku: Mina wutsumbu nzi ta ku pangalata, nzi ku humuta.

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Mitiro 12:11

Laha Pedro na a tilimukile, aku ngalo: Makunu nza zi tiva hakunene, lezaku a Hosi yi rumile a ngelosi ya yona, yi ta nzi tlhatlhisa canjeni ga Herodi, ni ka zontlhe lezi va nga zi langutele a vaJuda. Tis. 34:7; 2 Ped. 2:9

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Eksodusi 14:19

A ngelosi ya Nungungulu leyi yi rangelako mabandla ya va ka Israeli yi lo suka, yiya hi lenzhako ka vona; ni mhinga ya refu yi lo suka mahlweni kabye yi ya yima hi lenzhako ka vona, xikari ka yimpi ya vaGipite ni ya vaIsraeli.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Maheberu 2:18

Hakuva lezi yena wutsumbu a nga xaniseka a ringwa, wa zi kota ku vunetela lava va ringiwako.

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Mitiro 7:38

Hi yena a nga hi kona hlengeletanweni le xiwuleni, a yima zinwe ni ngelosi leyi yi nga wulawula naye le xitsungeni xa Sinai, zinwe ni vakoko va hina; hi yena a nga amukela a timhaka ta kuhanya, a hi nyika tona. Ekso. 19:3; Isa. 63:9

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Luka 15:5

Laha na a yi kumile, i yi rwala makatleni hi kutsaka.

Mateu 25:45

Zonake i ta va hlamula, aku: Hizinene nzi ngalo ka nwina: Kota lezi mu nga kala ku zi maha ka munwe wa lava va tsongwanyani, a mu zi mahangi ka mina. Zak. 2:8; Miti. 9:5

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

1 Va le Korinte 10:9

Ngha hi nga ringi Hosi, kota vanwani va vona va nga yi ringa, va dawa hi tinyoka. Ekso. 17:2, 7; Mitse. 21:6

Mitiro 9:4

I lowa hasi, azwa a gezu gi ngaku ka yena: Saule, Saule, hi yini u nzi xanisako ke? Mat. 25:40

Eksodusi 33:15

Zonake Mosi aku: Loku wena wutsumbu u nga hi pangalati, ngha hi nga suki laha.

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Joeli 2:18

Zonake Jehova i lo pangamela a tiko gakwe, a hawukela a vanhu vakwe.

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Tisimu 25:22

Nungungulu, tlhatlhisa Israeli Makhombyeni yakwe wontihe.