Isaya 61:1 - Tshwa Bible

¹ A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Isaya 61:1 Referans Kwoze

Luka 7:22

I lo hlamula, aku ngalo kabye: Fambani, mu ya byela Johani lezi mu zi wonileko ni lezi mu zi zwileko: a zikhumu zi tlheliselwa kuwona, a zilema za famba, a vahlokonho va hlaziwa, ni ziwiri zazwa, a vafileko va vuxiwa, ni zisiwana zi kanelelwa a mahungu yo saseka. Isa. 35:5; Mat. 11:4; Xip. 4:18

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 49:9

Lezaku u byela lava va bohilweko, uku: Humani! Ni ka lava va nga munyameni, uku: Ti wonekeliseni! Va taga tindleleni, Va kuma wugelo lomu zitsungeni zontlhe.

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Isaya 48:16

Tshinelani ka mina, muzwa lezi: Kusukela kusanguleni a nzi wulawulangi xihundleni; Laha a zilo lezi zi nga maheka nzi wa hi kona. Makunu Hosi Jehova i nzi rumile zinwe ni Moya wakwe. Joh. 8:25; 18:20

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Mateu 3:16

Jesu laha na a bapatizilwe i lo huma zalezo hi lomo matini, languta, a tilo gi lo vululeka, a wona Moya wa Nungungulu wu relela kota tuva hehla kakwe. Isa. 11:2; Mar. 1:10; Lu. 3:22

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Tisimu 45:7

Wena u ranza kululama, u venga kubiha; Hikwalaho Nungungulu, a Nungungulu wa wena, I ku totile hi mafura ya litsako ku hunza vanakuloni.

Tisimu 22:26

A va hlokisilweko va taga va xura, Lava va lavako Jehova va ta mu dumisa; A timbilu ta nwina a ti hanye kala kupinzuka. Isa. 65:13; Mat. 5:5

Tisimu 102:20

Kasi kuzwa a kutsikwila ka tiperesu, Ni ku tlhatlhisa lava va yimelweko hi kufa; Maheb. 2:14

Tisimu 51:17

A muphahlo lowu wu xalalisako Nungungulu hi moya loʼwu tshovekileko; Nungungulu, cima u nga ta nyenya a mbilu leʼyi tshovekileko, yi xanisekelako zionho. Isa. 66:2

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Maheberu 1:9

Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38

2 Va le Korinte 7:6

Ahembalokoke, Nungungulu loyi a chavelelako lava va karatekako, i lo hi chavelela hi kuta ka Titusi; Xip. 1:4; 2:13

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Tisimu 69:32

A vakurula va ta zi wona va tsaka; Nwina lava mu hlotako Nungungulu, a timbilu ta nwina a ti hanye!

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Tisimu 25:9

Wa rangela kululameni lava va koramileko, A va gonzisa ndlela yakwe.

Johani 1:41

A kusangula i lo kuma nakulobye Simoni, aku kakwe: Hi mu kumile Messia, (hi kutlhamusela ku ngalo, Kristu).

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Mitiro 4:27

Hakuva kunene vaHerodi na Pontiu Pilatu, zinwe ni vamatiko ni vanhu va ka Israeli, va wa tsombene a mutini lowu, kasi ku vukela Jesu, a Nanza ga wena gi basileko, loyi wena u mu totileko, Maheb. 7:26; Isa. 61:1; Joh. 10:36

Jeremia 34:8

Leyi hi mhaka ya Jehova yi ngata ka Jeremia anzhako na hosi Zedekia a mahile a xivumelwano ni vontlhe vanhu va nga hi Jerusalema, lezaku vaba hungu ga kutlhatlheka;

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

2 Va le Korinte 3:17

A Hosi hi wona Moya, ni laha wu nga kona a Moya wa Hosi, ku kona kutlhatlheka.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 32:7

A matlhari ya mukanganyisi ma bihile, I aka mano yo lovisa lava va vumalako hi ku hemba mawunwa, Hambu loku a mhaka ya muvumali yi hi yinene.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Eksodusi 28:41

U ta ambexa a nakuloni Aroni ni vana vakwe, u va tota hi mafura, u va basisa, kasi vave ntirweni wa wupristi mahlweni ka mina.

Eksodusi 29:7

U ta teka mafura yo tola u ma chela laha hlokweni, u mu tota.

Levi 7:35

Hi xona xiavelo xa Aroni ni vana vakwe ka yontlhe miphahlo leyi yi hiselwako Jehova, va nga nyikwa xona a sikwini va nga wumbelwa ntirweni wa wupristi ka Jehova.

Tisimu 68:7

Nungungulu, laha u nga huma u rangela a vanhu va wena, U tsemakanya xiwula, (Sela.) Ekso. 13:21; 33:14

Jeremia 52:33

I lo mu tlhatlhisa a tinguwo takwe ta wuperesu, aga zakuga mahlweni ka hosi wontihe masiku ya kuhanya kakwe.