Isaya 60:2 - Tshwa Bible

² Languta, a munyama wu fenengetile misava, Ni kuphuma ku fenengeta a matiko; Kanilezi Jehova i ta woneka hehla ka wena, Ni kungangamela kakwe ku ta woniwa ka wena. Joh. 1:5, 9, 14

Isaya 60:2 Referans Kwoze

Va le Kolosi 1:13

Yena i lo hi hlanguta ntanwini wa munyama, a hi enghenisa mufunweni wa Nʼwana wakwe a ranzekileko, Maheb. 2:14; 2 Ped. 1:11

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

Mitiro 17:23

Hakuva khwatsi hilezi nzi nga kari nzi hunza, nzi cuwuka lezi mu zi khozelako, nzi lo kuma ni alati gi nga hi ni mutsalo, waku: Ga Nungungulu loyi a nga tibyiwiko. Makunu a Nungungulu loyi mu mu khozelako hi ku nga mu tivi, hi yena loyi nzi mu byelako ha yena. Efe. 2:12; 2 Tes. 2:4

Mitiro 14:16

loyi hi zizukulwana zi hunzileko a nga tsika matiko wontihe lezaku ma famba tindleleni ta wona.

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Ezekieli 10:4

Zonake a kungangamela ka Jehova ku lo suka hehla ka makerubima gi ya yima hehla ka nyangwa ya yindlu; ni yindlu yi lo tala hi refu, ni hubye yi wa tele hi kuhatima ka kungangamela ka Jehova.

Mitsengo 16:19

Zonake Kora i lo tsombanyisa a ntlhangano wakwe wontihe laha nyangweni ya tenda ga mutlhangano, zonake a kungangamela ka Jehova ku lo woneka mahlweni ka tlhangano wontihe.

Levi 9:23

Zonake Mosi na Aroni va lo enghena lomu ka tabemakeli ga mutlhangano, zonake va huma, va katekisa a vanhu; ni kungangamela ka Jehova ku lo woneka ka vanhu vontlhe.

Johani 1:1

A kusanguleni gi wa hi kona Gezu, Gezu gi wa hi na Nungungulu, Gezu gi wa hi Nungungulu. Mat. 8:22; Kol. 1:17; 1 Joh. 1:2; 3:7

Mateu 23:19

Nwina zikhumu, hi xihi xi nga xa hombe, a munyikelo kutani a alati legi gi basisako a munyikelo ke? Ekso. 29:37

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

1 Tihosi 8:11

laha kaku a vapristi va tsanzeka ku yima va khozela hi kota ya refu; hakuva a kungangamela ka Jehova ku wa tatile a yindlu ya Jehova.

Mateu 23:24

Nwina varangeli va fileko mahlo, mu hlutelako wunuwunwani, kasi mu mita kameli.

Tisimu 102:16

Laha Jehova a ta nga vuxa Zioni, A woneka kungangameleni kakwe.

Isaya 2:5

Yindlu ya Jakobe, ngonani hi famba kuwonekeleni ka Jehova!

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Isaya 58:10

Loku u avela zakuga za wena ka loyi a zwako ndlala, Ni ku xurisa loyi a hlokiswako, Zonake a kuwonekela ka wena ku ta woneka munyameni, Ni munyama wa wena wu hunzuka wu maha hlikanhi.

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Isaya 62:1

Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.