Isaya 58:11 - Tshwa Bible

¹¹ Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 58:11 Referans Kwoze

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Johani 16:13

Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27

Tisimu 25:9

Wa rangela kululameni lava va koramileko, A va gonzisa ndlela yakwe.

Xizimba xa ka Solomoni 4:15

U hlowo ya masimu, A xibuka xa mati ma khulungako, A congo wu humelako Lebanoni.

Mavingu 11:25

A muhefemulo wa wuhana wu ta kuluka; oyi a cheletelako mati i ta cheletelwawu,

Mavingu 3:8

Wu tava muri a nkaveni wa wena, i mongo marambyini ya wena.

Ezekieli 36:35

Va taku: A tiko legi gi nga wa hahlukile, makunu gi fanana ni simu ga Edeni; ni miti leyi yi nga wa hahlulwe yi maha marumbi yi bhiyelwe, yi na ni vanhu.

Tisimu 92:14

Va ta pswala mihanzu ni lomu wukhosaneni gabye, Va ta tala ni nhome va maha vaswa;

Hosea 13:5

Nzi ku tivile lomu xiwuleni, a tikweni gi womileko.

Jeremia 17:8

Hakuva i ta fanana ni sinya yi byelweko kusuhi ni mati, Leyi a mitsu ya yona yi navako kala matini, Hambu kuva ni mumu a yi chavi, Kanilezi a matluka ya yona ma simama ma nyuka; A yi karateki hi lembe go kala vula, Hambu ku tsika ku phandlula mihanzu.

Mavingu 28:25

Loyi a nga ni mbilu ya matshanza wa vuxa mazunga; anilezi loyi a tsumbako Jehova i ta xura.

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Tisimu 37:19

Va nga tava ni tingana xikhatini xa khombo, A masikwini ya ndlala va ta xura.

Tisimu 33:19

Lezaku i ta hlanguta mihefemulo yabye kufeni, Ni ku va hanyisa xikhatini xa ndlala.

Tisimu 107:9

Hakuva wa kolwisa a muhefemulo wu nga ni tora, A muhefemulo wu nga ni ndlala i wu xurisa hi malongo.

Joba 5:20

Xikhatini xa ndlala yena i ta ku tlhatlhisa kufeni; Ni lomu yimpini i ta ku tlhatlhisa ntanweni wa supado.

1 Va le Tesalonika 3:11

Makunu ngha Nungungulu a Dadani wa hina, ni Hosi ya hina Jesu Kristu, va hi lulametela a ndlela ya kuta ka nwina.

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Mavingu 13:4

A mbilu ya lolo ya navela, kanilezi a nga kumi nchumu; anilezi a mbilu ya loyi a tirako yi ta kulukiswa.

Isaya 33:16

Hi yena a ta nga aka wutshanwini gi tlakukileko, A wuchavelo gakwe gi tava khokhola ga maribye, I ta nyikwa zakuga zakwe, ni mati yakwe ma nga tapswha.

Johani 7:38

Loyi a kholwako ka mina, hi lomo xifuveni kakwe ku ta khulunga a micongo ya mati ya wutomi, kota lezi yi wulako mitsalo. Deut. 18:15

Isaya 27:3

Mina Jehova nzi muhlayisi wa xona, Nzi ta xi cheletela mati xontlhe xikhati; Nzi xi rinzela mumu ni wusiku kasi munhu a nga xi gohi.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Deuteronome 15:4

Na zona ku nga ta kuva ni xisiwana ka va ka nwina, hakuva Jehova i ta ku katekisa hi zinene a tikweni legi Jehova Nungungulu wa wena a ku nyikileko ku ya gi fumela, ni kuva tshomba ya wena;

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Isaya 44:4

Ma ta mila xikari ka byanyi Kukotisa ziphutsu wukhulungelweni ga mati.