8 Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.
Nzi na ni tiyivu tinwani, leti ti nga hiko ta lowu ntlhambi; na tona kambe nzi fanele ku ti neha, ti ta ingisa a gezu ga mina. Zonake ku tava ni ntlhambi munwe ni murisi munwe. Isa. 56:8; Ezek. 37:22; Efe. 2:14
lezaku a yimisa a xaxameto a kumbheleni ka xikhati, lowu ha wona a ta nga tlhanganyisa zilo zontlhe ka Kristu, a zilo za le matilweni ni lezi za laha misaveni. 1 Kor. 3:22; Fil. 2:9; Maheb. 9:10
Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.
A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22
Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.
Hi hanyise, Jehova, Nungungulu wa hina, Hi hlengelete xikari ka vamatiko, Kasi ha fela ku bonga a vito ga wena go basa, Hi ku dumisa hi ku giya. 1 Kro. 16:35
Hi laha vaJuda va ngaku ngalo xikari kabye: I taya kwihi, laha hi ta nga kala hi nga mu kumi ke? Xana i xuva kuya ka lava va hangalakileko xikari ka vaGreki, a ya gonzisa vaGreki ke? Isa. 11:12; Jak. 1:1; 1 Ped. 1:1
Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4
E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47