Isaya 53:6 - Tshwa Bible

⁶ Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Isaya 53:6 Referans Kwoze

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

Tisimu 119:176

Nzi pengile khwatsi hi yivu yi lahlekileko, Hlota nanza ga wena, Hakuva a nzi rivali milayo ya wena. Isa. 53:6; Lu. 15:4

Va le Roma 4:25

loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Jakobe 5:20

ngha a zi tiva lezaku loyi a wuyisako a muonhi ndleleni yakwe ya kuhambuka, i ta hanyisa a muhefemulo kufeni, a khubhunyeta zionho zinyingi, Rom. 11:14; 1 Kor. 9:22; 1 Ped. 4:8

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Isaya 56:11

Ina, timbyana ta makhobomu, ci ma a va eneliswi. A va kunghaho mbarisi, lava va nga pimiko nchumu; Vontlhe va famba hi tindlela tabye wutsumbu, Munwe ni munwani i ti lavela bhinzu gakwe.

Tisimu 69:4

Lava va nzi vengako handle ka nanzu Va tele ku hunza misisi ya hloko ya mina; Va na ni ntamu lava va hlotako ku nzi lovisa, Na va hi valala va mina handle ka xigelo. Nzi fanele ku tlhelisa lezi nzi nga yivangiko. Joh. 15:25

Ezekieli 3:18

Loku nziku ka wakubiha: U yimelwe hi kufa, wena na u nga mu tlharihisi, ge hambu ku wulawula nchumu kasi ku tlharihisa loye wakubiha ndleleni yakwe yo biha kasi ku mu ponisa; inaloyi wa kubiha i tafa kugoheni kakwe, kanilezi a nkhata wakwe nzi ta wu lava canjeni ga wena.

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 53:5

Kanilezi yena i tlhabyilwe hi kota ya zihambunyeto za hina, A tshobyiwa hi kota ya zigoho za hina; A xitsayiso lexi xi hi nyikako kurula xi lo wela hehla kakwe, Zonake hi hanyiswa hi timbirimbi takwe. Rom. 4:25; 1 Kor. 15:3; 1 Ped. 2:24

Isaya 53:7

I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Genesisi 22:6

Abrahama i lo teka tihunyi ta munyikelo wa kuhiswa, a rwexa Isaka a nʼwana wakwe; yena i lo teka a nzilo ni mukwana, va famba vona vambiri.

Valamuli 21:25

Masikwini lawo Israeli i wa nga hi na hosi; munhu ni munhu i wo ti mahela lezi zi nga wa lulamile kuwoneni kakwe.

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,