Isaya 52:12 - Tshwa Bible

¹² Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Isaya 52:12 Referans Kwoze

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

Isaya 45:2

Mina nzi ta ranga mahlweni ka wena, Nzi lulameta a matshamu ya zitsunga; Nzi ta tshoveletela a tivati ta suku, Nzi tshova a zikwinyaro za ziketse.

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

1 Kronekele 14:15

U taku loku uzwa a guwa ga kufamba le hehla ka tisinya ta timora, u huma u yalwa, hakuva Nungungulu i rangile mahlweni ka wena a ku hlasela a yimpi ya vaFilistia.

Mitsengo 10:25

Ku lo suka a mabutho ya wugovelo ga ka Dani, hi lenzhako ka wontihe magovelo, na va rangelwa hi nghapa yabye. Ahiezere a nʼwana wa Amixadayi i wa hi nduna ya yimpi leyo.

Eksodusi 12:11

Mu ta yiga kota lezi: Mu bohile ziwunu za nwina, na mu ambele a zilato mikonzweni ya nwina, mu khomile nhonga canjeni ga nwina; muga hi kuhatlisa. I Pasika ga Jehova.

Valamuli 4:14

Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.

Eksodusi 12:39

Zonake va lo bhika zibaba zi nga comelwangiko za mapa lawa va nga huma nawo hi le Gipite, hakuva zi wa nga comelwangi, hi: lezi va loya hi ku hlongolwa le Gipite, hikwalaho va lo tsanzeka ku kuma xikhati xo ti longisela mbuva.

Eksodusi 12:33

Zonake a vaGipite va lo kurumeta vanhu ku hatlisa va huma lomu tikweni gabye; hakuva va waku: Hi tafa hontlhe.

Isaya 51:14

Loyi a bohilweko wukhumbini i ta hatla a tlhatlhiswa, A nga ta fela rinzini, ge hambu ku vumala zakuga.

Eksodusi 14:8

Zinghaho Jehova i lo nonohisa a mbilu ya Faro, a hosi ya Gipite, kasi a fela ku lanza a vanana va ka Israeli, na kasi a vanana va ka Israeli va huma hi canja ga ntamu. Mitse. 33:3

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Deuteronome 16:3

U ngagi a xibaba xi comelweko zinwe nago, u taga xibaba xi nga comelwangiko ntlhanu wa masiku ni mambiri, na xi hi xibaba xa kuxaniseka, hakuva wena u lo huma hi kuhatlisa le tikweni ga Gipite, u ta alakanya wontihe masiku ya wutomi ga wena a siku legi u humileko ha gona le tikweni ga le Gipite.

Joxua 6:9

Ni vavanuna lava va hlomileko va wa famba mahlweni ka vapristi lava va bako mipunzu, zonake a tlawa wa lenzhako wu lo lanzela a nghaxa, a vapristi na vaba mipunzu, na va kari va famba.

Isaya 26:7

A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 49:11

Nzi ta bhoxa ndlela zitsungeni zontlhe za mina, Ni magonzo ya mina ma ta seletelwa.

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Joxua 4:11

Laha vontlhe vanhu va nga wa tlhatukile, a nghaxa ya Jehova ni vapristi va lo tlhatuka va ranga mahlweni ka vanhu.