Isaya 51:5 - Tshwa Bible

⁵ A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 51:5 Referans Kwoze

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

Va le Roma 2:16

Zi tava tano hi siku lego Nungungulu a ta nga lamula a zigungu za vanhu ha Jesu Kristu, kotisa lezi yi wulako a ivangeli leyi nzi yi kanelako. Joh. 5:22; Kuv. 20:12

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Joeli 3:12

Ngha matiko ma vuka, mata nkoveni wa Jehoxafate; hakuva nzi ta tshama kona nzi lamula a matiko wontlhe ma gamekeneko.

Isaya 63:5

Nzi lo cuwuka, ku wa nga hi na muvuni; Nzi lo hlamala hikuva ku nga hi na munhu wo nzi seketela. Hikwalaho a canja ga mina nwinyi gi lo nzi vuna, Ni khulo ga mina gi lo nzi seketela.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Isaya 49:1

Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Tisimu 67:4

Ngha matiko ma tsaka, ma yimbelela hi kukhana, Hakuva u ta lamula matiko hi nongameto, U rangela a mifumo laha misaveni. (Sela.)

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.

Deuteronome 30:14

Kanilezi a gezu gi kona kusuhani nguvu na wena, lomu nonwini wa wena, ni lomu mbilwini ya wena, kasi wena wa fela ku gi hlayisa.

Tisimu 110:6

Yi ta lamula xikari ka matiko, A zirumbi zi ta mbambamela kontlhe; Yi ta lamata tihloko matikweni manyingi. Isa. 2:4; Kuv. 19:11

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 33:2

Jehova, ngha u hi ni wuxinji ka hina! Hi ku langutele. Ngha uva muvuni wa hina ka siku ginwe ni ginwani; Ni muhanyisi wa hina zikhatini za zikarato.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15