Isaya 51:1 - Tshwa Bible

¹ Nzi ingiseni nwina lava mu hlotako kululama, Nwina lava mu lavako Jehova. Cuwukani ka ribye legi mu tekilweko ka gona, Ni ka mugodi lowu mu humesilweko ka wona.

Isaya 51:1 Referans Kwoze

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Va le Roma 14:19

Hikwalaho a hi hloteni lezi zi vangako kurula, ni zilo lezi hi ta nga akana ha zona. Tis. 34:14; 1 Kor. 14:12

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Mavingu 21:21

Loyi a lanzelako kululama ni wuxinji, ta kuma wutomi, ni kululama ni wudzunzo.

Mavingu 15:9

A ndlela ya va kubiha manyala ka Jehova; anilezi wa ranza loyi a lanzelako kululama.

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Va le Filipi 3:13

Vamakabye, a nzi wuli lezaku mina nzi zi khomile; kanilezi xilo xinwe nzi xi mahako, nzi rivala za lenzhako, nzi hlokolokela lezi zi nga mahlweni, Maheb. 6:1

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Mateu 5:6

Va katekile lava va nga ni ndlala ya leʼzo lulama ni tora ga zona, hakuva va ta xuriswa. Isa. 55:1

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Tisimu 24:6

Xi tshamisa lezo a xizukulwana xa vona lava va mu lavako, Lava va hlotako nghohe ya wena, Nungungulu wa Jakobe. (Sela.) Rom. 9:6

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Isaya 55:6

Hlotani Jehova na a ha kumeka, Mu vitaneni na a ha hi kusuhani!

Isaya 51:4

Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.

Va le Roma 10:3

Hakuva va wa kohlwa hi kululama ka Nungungulu, na va lava ku ti yimisela a kabye kululama, a va ti koramisangi kululameni ka Nungungulu.

Isaya 65:10

Xaroni i tava wuriselo ga tiyivu, Ni nkova wa Akora wu tava zumbo ga tihomu, A ka tiko ga mina gi nzi hlotileko. Jox. 7:26; 1 Kro. 27:29; Hos. 2:15

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 15:4

Kanilezi a xikhati va nga wa hi zikaratweni, va lo tlhelela ka Jehova Nungungulu wa ka Israeli, va mu hlota va mu kuma.

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;