Isaya 5:7 - Tshwa Bible

⁷ Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 5:7 Referans Kwoze

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Johani 15:2

Ni gihi ravi gi nga ka mina, legi gi nga pswaliko mihanzu, wa gi tsema; kanilezi legi gi pswalako mihanzu wa gi thena, kasi gi fela ku pswala hi kuhunzeleleko. Mat. 15:13

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Mateu 23:23

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Jeremia 12:10

A varisi vo tala va gohetele a xi vina xa mina, Va kanzihele a simu ga mina; A simu ga mina go saseka va gi mahile xiwula.

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Isaya 5:2

I lo xi rima, a susa maribye, A byala ka xona a mavina ma hlawulekako; A aka a tshala xikari ka xona, A xi vatlela a xigayo xa vinya. I lo tsumba lezaku xi ta pswala a mauva yo nanziha, Kanilezi xi lo pswala mauva yo bava.

Isaya 3:17

hikwalaho a Hosi yi taba hi xigwere a tihloko ta vanhwana va le Zioni, Jehova i ta funungula wumbyiri gabye. Xip. 47:3; Ezek. 16:37; 23:29

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 1:6

Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

Xizimba xa ka Solomoni 7:6

U sasekile, ni kambe wa ranzeka nguvu, O muranziwa wa mina, kutsakeni ka liranzo.

Mavingu 21:13

Loyi a valako tindleve takwe lezaku a ngazwi kurila ka zisiwana, enawu i ta rila, kanilezi a nga ta zwiwa hi munhu.

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 80:15

Yimela a sinya leyi ya vina leyi yi nga byaliwa hi canja ga wena ga xinene, Ni nʼwana loyi u nga ti wundlela. Ekso. 4:22

Joba 34:28

Zinghaho va maha kurila ka zisiwana kuta kakwe, Lezaku azwa kurila ka laʼva nga hlomulweni. Ekso. 22:23

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

2 Samueli 7:10

Mina nzi ta longisa a wutshamu ga vanhu va mina, va ka Israeli, nzi va zimekisa va aka ka gona, va nga ha nzulanzula A vanhu vo biha cima va nga ta ha va hlokisa kambe khwatsi hi kusanguleni. Ekso. 15:17; Tis. 44:3

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Isaya 3:15

Hikuyini mu hlokisako tiko ga mina, ni ku pswhandlasa zisiwana ke? ku wula Hosi Nungungulu wa tiyimpi. A kulamulwa ka vanhwana va Zioni.

Isaya 27:2

A ka siku lego ku tava kona a xivina xi teleko hi mihanzu, Va ta yimbelela ha xona, vaku:

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 59:14

A nongameto wu tlhelisilwe nzhako, Ni kululama ku yimile kule na hina, Hakuva zinene zi wile le hubyeni, Ni kululama a ku zi koti ku enghena.

Jeremia 24:2

A xirunzu xinwe xi wa hi ni makuwu yo saseka nguvu, ku fanana ni makuwu lawa yo ranga ku buva; a xinwani xirunzu xi wa hi ni makuwu yo swara nguvu, lawa ma nga zi kotiko ku giwa, hakuva ma wa bihile nguvu.

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Mika 6:12

Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Isaya 46:12

Nzi ingiseni nwina va timbilu to nonoha, Nwina valala va kululama.

Hosea 10:1

Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.

Habakuka 1:3

Hiyini u nzi kombisako kubiha, u nzi wonisa hlokiselelo? Hakuva a kuphanga ni tihanyi zi le mahlweni ka mina; ku na ni timholova, ku vuka ni kukanetisana.