Isaya 5:13 - Tshwa Bible

¹³ Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 5:13 Referans Kwoze

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

2 Pedro 3:5

Hakuva a va ranzi ku vumela lezaku a matilo ma wa hi kona kusukela kaleloko, ni misava yi wumbilwe yi huma matini, na yi tshama xikari ka mati hi gezu ga Nungungulu. Gen. 1:6; Tis. 24:2; 33:6

Mikosi 4:9

Lava va nga dawa hi supado i chukwana ku hunza lava va fako hi ndlala. Hakuva va jomoloka hi ku vumala zakuga za lomu masinwini.

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 8:7

Hambu a gotomeni wa le mpfhukeni wa tiva tinguva takwe, A tuva ni nyawukolwe ni mbewulwani za tiva a xikhati xa ku tlhela ha xona; Kanilezi a vanhu va mina a va tivi a milayo ya Jehova.

Luka 19:44

Va ta ku hahlula uku putsu, zinwe ni vana va wena lava va nga xikari ka wena; ku nga ta siyiwa xikari ka wena a ribye ginwe hehla ka ginwani; hakuva a ku tivangi a xikhati lexi u enzelwako ha xona. Mika 3:12; Dan. 9:24; Mat. 24:2; Mar. 13:2; 1 Ped. 2:12

Amosi 8:13

Hi siku lego a vanhwana va timbhuri ni majaha va ta karala hi tora.

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

Isaya 3:1

Hakuva, languta, a Hosi Jehova wa tiyimpi i ta tekela Jerusalema na Juda a xihiketelo xontlhe ni chetengelo wontihe, a kuga kontlhe ni zakunwa, Levi 26:26; Deut. 26:17; Ezek. 4:16

Isaya 3:3

a tinduna ni tihosi, a masungukati ni vameseri, ni vavumbi va tlharihileko.

Isaya 23:9

Hi Jehova wa tiyimpi a nga wula lezo, Lezaku a koramisa a matshanza wontihe ya wukosi; Ni ku tsongahata vontlhe va dzunzekileko va misava.

Isaya 44:19

A nga kona a ehleketako, a hambu ni ku pimisisa, aku ngalo: Nzi hisile a khihlanya ga sinya leyi, nzi bhika tipawu hehla ka makala, nzi woca nyama nziga; xana nzi nga maha manyalataniso hi leyi yi seleko ke? Nzi nga khizamela a xipanze xa sinya ke?

Isaya 49:21

Zonake u taku mbilwini ya wena: Himani a nzi pswaleleko vana lava? Mina loyi nzi nga kala nzi nga hi na vana, nzi hi ngonwa, Nzi wa hi khumbi, nzi hi nyapepe; himani a va wundlileko? Nzi wa sele nzoce, vona lava va wa hi kwihi?

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Ezekieli 7:12

A xikhati xi chikele, a siku ga tshinela. Loyi a xavako a nga tsaki, ni loyi a xavisako a nga tsanwi; hakuva a zanga yi hehla ka xidlemo xontlhe xa kona.

Mavingu 10:21

A milomu ya a lulamileko yi gisa vanyingi; anilezi a zipumbu zifa hi ku vumala wutlhari.