Isaya 49:25 - Tshwa Bible

²⁵ Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Isaya 49:25 Referans Kwoze

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Zakaria 9:11

Loku ku hi wena, hi kota ya xivumelwano xa wena xa nkhata, nzi ta tlhatlha a tiperesu ta wena ti huma rinzini gi nga hiko na mati. Ekso. 24:8; Maheb. 9:19

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Va le Galatia 4:26

Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Marku 3:27

A nga kona a zi kotako ku enghena ndlwini ya nhenha a wutla xuma xa yona, loku a nga rangangi hi ku yi boha, zonake a phanga yindlu ya yona. Isa. 49:24; Mat. 12:29

Tisimu 35:1

Jehova, nzi yimele ka lava va nzi vukelako; Lwana ni lava va lwako na mina.

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 19:20

Xi tava xikombiso ni wumboni ka Jehova wa tiyimpi lomu tikweni ga Gipite; hakuva va ta rila ka Jehova hi kota ya vatsimbeketi, na yena i ta va rumela a muhanyisi, a muyimeli, loyi a ta nga va tlhatlhisa.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 51:22

Hosi Jehova, Nungungulu wa wena. Loyi a lwelako a tiko gakwe, e ngalo: Languta, nzi susile canjeni ga wena a gombe gi popisako, U nga ta hanwa a gombe ga zanga ya mina.

Jeremia 15:21

Nzi ta ku ponisa canjeni ga vakubiha, Nzi ku tirula mandleni ya lava va tihanyi.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Levi 25:54

Loku a nga tlhatlhiswi hi tindlela leti, i ta tlhatlheka hi lembe ga jubileu, yena ni vanana vakwe.

Isaya 51:14

Loyi a bohilweko wukhumbini i ta hatla a tlhatlhiswa, A nga ta fela rinzini, ge hambu ku vumala zakuga.

Jeremia 31:11

Hakuva Jehova i tlhatlhisile Jakobe, A mu tirula canjeni ga wa ntamu ku hunza yena.